’îşqî pîroz

le çî tirsay?
le çî toray?
boçî řûy xotit wergêřa?
wat ezanî daristanî bejnî cwanit esûtênim?
koşkî berzî xoşewîstit eřûxênim?
řaste gyane, pişko û biłêsey agirim
heresî befrî tasem û
çaweřwanî hawar û girim û hoř ekem.
řaste gyane, hawarêkî zor berzim û
mile û ziryan û lafawîş çak enasim!
bełam, bełam
xo toy azîz, êcgar lewe bałatrî
destî ziryanit pê bigat...
heres bitka be jêrewe...
xor bitwanê bitsûtênê...
şepoł yarît legeł bikat.
to sirûdêkî tazeyt û
leser lêwî em wiłate
řojî be hezaran keřet etxiwênnewe
to ew ’eşqe pîrozey wa
şew ta beyan
beyan ta şew
le baweşî gułcařêka, pirçî cwanî da’ehênî û
xoşewîstî, lenaw kûrey diłî pakta etwêtewe.
le çî tirsay
herçî demarî naw diłme, hełîkêşin
natwanin... na...
xoşewîstît
le bîr û mêşkim derkêşin!