ey felek sergeşte bî bo gerdişê hênatewe
bo şêx eḧmedî ḧefîdzade
Li pirtûka:
Dîwanî Narî
Berhema:
Narî (1874-1943)
2 Xulek
543 Dîtin
ey felek sergeşte bî bo gerdişê hênatewe
ehlî ’îzzet pakî sergeşten bedes sewdatewe
gerdişt: saqî, qedeḧ: dinya, musîbet bû be çat
xo le dinyada nebû lew çate kes neyxiwatewe
wez’î to terkî sefaye, qelbî to řesmî cefa
bo ekey meylî wefa to bem dił û ḧałatewe
çînî pêşanîte xettî mînnet û zułim û sitem
nexşî mîḧnet wa be textey qapyey dergatewe
mesłeḧet çunkû nebûnî toye, sa zatî xuda
zû be zûyî bitgirêt û bitkujê û bitbatewe
men’î kes nakem leser řeftarî bê mîzanî to
pêt biłê laço ser û etwar û şikiłit xwatewe
bo çî însafe le lay to zumreyî alî ’eba
qeydî zîllet bê be destî kafrî bed zatewe
pare bû sed dił be nûkî neşter û xarî cefa
daxî zułimit wa be laley řûmetî sadatewe
şîn û ahî kerbela û neynewa hato be new
nobetî derd û ẍemî alî miḧemmed hatewe
bo perêşan ḧałî û ḧuznî peşêwî fewcî guł
cem’î bulbul wa le şîwenda beřûy baẍatewe
çun nema şadî le bo ewladî meḧbûbî xuda
lazme bo her kesê beydaẍî ẍem heł katewe