dû goranî

gyane, jyanî tenyayî
le to cyayî
minî matem
ewende pest û nakame
ke řûnakî lê ḧerame
ẍeyrez be xem
ke bîkate derûnewe
be henasey zebûnewe
meyî tasem
tasey nawextî
bêbextî
em jyane mat û kasem
ke be’astem
řûnakî lê bedî nakem
minî matem.
gyane, tenyayîy naxoşe
eşk noşe
wek řeşpoşî
dił xamoşî
mirdû azîz
le pêkenîn feramoşe.
gyane, payîz
xo ezanî
ke wextê bařeş xezanî
gełakanî ewerênê
melî hêlaney aramî
be kînewe eterênê:
ewsa jyanî nakamî
çend pest ebê
derbest ebê
xo ezanî
ke payîz gełařêzanî
çend siteme
çend diłtengî
şewezengî
destî xeme
awa minîş wekû payîz
tenyayîy gełařêzanme
madam le to dûrim azîz
jyanî payîz jyanme.
gyane, wityan: em dinyaye
herçî tyaye
le encama ebřênewe
be bê ajawe, be bêdeng
berew gořî tarîk û teng
ekirênewe.
wityan: encam her mirdine.
řû lewe û dinya kirdine
bo hemû kesê nemane
em jyane
aya biřwa bikem gyane
bo min û toş her nemane
wek encamî ew xełkane?!