tirîfey mange şew birîqey kilawzer
hawînî berzince
Li pirtûka:
Dîwanî Mezɫûm
Berhema:
Mezɫûm (1916-1955)
1 Xulek
953 Dîtin
tirîfey mange şew, birîqey kilawzer
şêwey meḧbuban, dête ber nezer
seday laylayey taze cwanan
elawênêto, dost û me’şuqan
kizey bay şemał ke dê be carê
boy gułê dênê le baẍçey yarê
qaspey nêre kew wextî nîweşew
denge bo ’aşiq řapeře le xew
cirîwey çolekey beyan le asman
beste exwênin wekû ’aşiqan
şiney bay seḧer eşnêtewe
be naz gułekan elerêtewe
bulbulî hejar lem çił bo ew çił
bê perwa eřwa le taw ’eşqî guł
sînew baẍçey bey, polî nazdaran
hawtaye legał sipêdey beyan
gonay nazdaran be řeng ał û sûr
sîweyl lêydawe, nek sûrawî sûr
şêwey cewanan be wêney ẍîlman
memleket cennet hem řewzeyî řîzwan
nexşawî sin’et zatî kirdigar
bo mezłûmNasnava edebî medḧî nayete guftar