weham zanî le pêşa ’aşiqî karêkî asane
Li pirtûka:
Dîwanî ’Arif ’Urfî
Berhema:
Arif Urfî (1896-1961)
2 Xulek
557 Dîtin
weham zanî le pêşa ’aşiqî karêkî asane
çi asanê milim bişkê çuzanim qatîlî cane
diłopey awî çawim axrî nehrêkî teşkîl kird
bełê muḧtacî seddî xane, em lafawî sîrwane
newek tenha minî bêçare bergey sîḧrî ew negrê
kefî mûsa le sîḧrî saḧîrî ewda perêşane
sebeb fîtney zułêxa bû beła bo ḧezretî yûsif
ke em pêẍembere ḧewt sał esîrî bendî zîndane
ke şew dayê çi sewdayê le xaney kaseyî serme
seḧer dê ẍulẍulî aşûbî şewme şînî şêwane
ke çawim kewt be xałî řûy serî sîney teḧeyîwir mam
ke bem bê wextîye diz çî eka lem baẍ û bêstane
ezanim naze řûpoşît, ke teşbîhî bikeyn emřo
be mangî heşt û çwar û dû le jêr hewraye penhane
tesaduf çûme dîwanî diłaramê be mîwanî
çi xoşḧałim ke bom derkewt şikur keybanû kabane
biḧimd alilhErebî ke qani’ bû zimanî ḧałî xoy fermûy
mewaçe pêm gerekte łêm ke wadey wesłî maçane
le wextî mestya nazim beser çerxa enazênê
demaẍim berze bem terze heta eywanî keywane
zemane way hêna ’urfîNasnava edebî damangîrî ’alem bê
emîş dûbare fîtney diłbere damawî damane