şay şerefkend
Li pirtûka:
Dîwanî Ḧerîq
Berhema:
Ḧerîq (1856-1909)
2 Xulek
1968 Dîtin
ce sub seḧerda dîm ẍunçe demê
ce perdey ’îsmet nimana çemê
we sed nezaket dehen waz mekerd
we yek naz îzhar sed nyaz mekerd
demaẍ nîsbet mu’etter kerde
gird weche tuẍřayî mu’teber berde
guł çun saḧêb dił girdîn dîyarbê
we heway feyziş ne întîzar bê
laçemê kemê welaw mekerdî
ne cam gułda guław mekerdî
pey ẍunçeẍunçey ew nazk newguł
gyan nişt ne ’azaw, dił şîn serçił
weser pencey naz nîqaw hełdawe
ahrê netoy cergim werdawe
şîm we xizmetîş û řûy şermewe
we du’a û selam lefiz nermewe
ce řûy îltifat cwaw sendewe
dił ne daẍ û derd hîcran sendewe
we dîdey teḧqîq çun tamuł kerdim
cew bo cew nîsbet teḧqîq awerdim
tomez ye nîşan boy koy ken’anen
nesîm awerdî «pîr burhanen»
be boy pîrahen yosif nejaden
perêw çem kûran ke’bey muraden
ew bo muxlîsan ye’qûb asa kerd
munkîran girdîn des wedu’a kerd
sefayê pey dił, zîbayê pey dîn
erboha ce lay şah şemseddîn
dek nesîm fîday sozey řahit bam
ya pîr twîç wefîday soz řahit bam
quwey bînayîm wegerd paten
dîde û bînayîm sergerd řaten
didan ce suḧbet eẍyaran kendim
çun wedił diłbend şay «şerefkendim»
beşq bulwefaNava taybet şay wefadaran
ser ḧelqey girdîn nazk nazdaran
řeḧmê çenîm ker ce her ḧałetê
ne gêc ’îsyan, her cehaletê
er řeḧmê nekey we ceste û ḧałim
we daẍ ’îsyan derûn zûxałim
çun pîrdana me’dûmNava taybet meḧrûm
fermayş kerden ferdî xoş mefhum
«saqî amane neşo ce wîrit»
«feryad řesîm ker to beşqî pîrit»
pîr řewşen dił minîç dexîlim
řage gum kerde û wêł û zelîlim
êste weherḧał piř xecałetim
xakim weser bo pey qîyametim
pey diłweşî wêm gaga mwaçom
er sed řenceřom segî qafłey tom
ḧerîqNasnava edebî kafîyen pey dinya û dînim
segî astaney şay şemseddînNava taybetm