hênde bêzarî ke zanîwme be zarî nayewe
piřtewî şems
Li pirtûka:
Dîwanî Ḧerîq
Berhema:
Ḧerîq (1856-1909)
2 Xulek
1373 Dîtin
hênde bêzarî ke zanîwme be zarî nayewe
dûr le bałaket serînî na’umêdîm nayewe
bulbulêkî xoşnewa bûm bo neway dewrî gułit
kê wekû hudhud ḧîkayatî sebay gêrayewe
bo pyałey meylî leyla qelbî mecnûn qabîle
şořşî şîrîn le nałey kohken famayewe
ḧeyfê hêndet derbeder kird dił le îqlîmî wîsal
şîrî mindałît be zehrî hîcir pê hênayewe
bo kenarî sewzeyî dewrî gułî řût şîn dekem
xakî koy îşqit be bêjnigî serim bêjayewe
kewte ser xermanî ’umirim agirî tulî emel
sed keřet baranî we’zî lêdra nekujayewe
şîrî ebro, tîrî mujgan, taq û cût denwênê pêm
ta bizanim řûḧî şîrînit çilon kêşayewe
cêy nezer bû ḧaşîyey zułifit leser ayatî řût
zor mutałam kird wekû dewr û teselsul mayewe
taqî mîḧrabî birot cêy naze bo ehlî nyaz
sofî weyzanî keçe hênd ker bû xoy gêřayewe
şem’î xûban piřtewêkî şemsî řûy toy lê kewt
hênd ḧeya û şermî be xoyda hat becarê twayewe
gułbijêrêkî zerîfim kird lenêw baẍî xeyał
xozge merdêkî «řeşîd» bo «şêxî» bixiwêndayewe