min û payîz
Li pirtûka:
Dîwanî Kakey Felaḧ
Berhema:
Kakey Felaḧ (1928-1990)
2 Xulek
719 Dîtin
zor siruştîye serinc û çêjim:
le gełařêzan zewqê eçêjim
payîz bałdarî hest exroşênê
tînwêtî naxim da’emirkênê
pełe hewrî řeş be asmanewe
wijewjî ba be baranewe
diłim wek xunçe geş ekatewe
jengî derûnî min eşwatewe
gełay werîwî řeng zerdî serma
koçî, gyanî nwê eka be berma
ałîy ebexşê be lêwî tasem
wekû bijêwî xwên û henasem
peřey naskî gułî hełwerîw
wirde gyay tazey kenar coge û şîw
deryay tê bînî min eşłeqênê
karêzî neş’e û coş eteqênê
dar û dirextî bê bergî gela
tezûy awdaman dênê be diła:
ke heł elerzê be bay beyanî
diłey dêwane û şêtî cwanî
em dîmenaney payîzî řeng zerd
textî siruştî sedan dax û derd
kar ekene ser naxî derûnim
nwê ekatewe gyanî zebûnim
bo?, çunke min û payîz dû be dû
wek yek haw derd û ḧez û arezû
em tewawkerî ewî tirmanîn
řêy ḧepesan û cêy ser suřmanîn
henasey sardî min bay xezane
řojî temenim geła řêzane
bo hełwerînî gełay dirextim
bo ber pêy koçî jyanî sextim
firmêskî xuřî diłey giryawim
bo gułî hîway saway jakawim
diłopey zilî çawî payîze
serçawey eşkim awî payîze
cêy tesellame payîzî bê naz
wekû dû hawřêy hawderd û nyaz
xermanî xemî dił be ba edeyn
bo yektir řaz û sikała ekeyn