bisim alilh alirḧimin alirḧîm
Li pirtûka:
Leylî û Mecnûn
Berhema:
Kemalî (1886-1974)
2 Xulek
32 Dîtin
ey xuday gewrey bê mîsil û manend
tak û bê şerîk bê jin û ferzend
herçî ke buwe û heye û bînrawe
be qudretî to îcad kirawe
be emrî toye tertîbî cîhan
toy ’eqił bexiş û toy xalqî gyan
zanay esrarî hemû derûnî
ḧey û mewcûdî nazanîn çonî
her be sîfatî to xot bûy mewsûf
nehî to munker emrî to me’rûf
dinyat îcad kird be kaf be nûn
asmanî berizit řagirt bê sitûn
eyxiwênêtewe namey nenûsraw
ezanê hemû qisey negutraw
’eqiłim pê xawis, şewîş tarîke
řêgaş seranser wek mû barîke
min řêbwarim û řêga xeternak
to řehberim bî îtir nîme bak
her toy ke be min bidey hîdayet
lutfî to be ’eqił eda kîfayet
min tê ekoşim twanam nîye
ke řehberim bî min bakim çîye
xo min layeqî qehrî tom qurban
’efwîşt her bo bendeye dîsan
to eperistim, ke bwîşim be xak
îtir le şeytan çilon embê bak
ne dîn ehênim bo lat ne ta’et
heme muflîsî û ’erzî şefa’et
sa be nûrî xot qazîwilḧacat
necatim bide îtir le zułmat
min ger swałetim eger gewherim
mexluqî xotim her toy serwerim
ẍeyrî dergay to xuday zulcelal
bo hîç dergayêk min naçim bo swał
to xełqit kirdûm ger çaresyam
be dest xom nîye boye bê perwam
natirsim le merg çunke ezanim
ke řêgay lay to eda nîşanim
’efûy to her bo gunehkarane
dewa her xasî derdedarane
gerçî řûřeşim to bimke qibûł
bimbexşe beşqî turbetî řesûł