basî xeberzanî daykî zorab le kujranî kuřekey be destî řostem
Li pirtûka:
Rostem û Zorab
Berhema:
Kemalî (1886-1974)
1 Xulek
9 Dîtin
bo daykî zorab ke birdyan xeber
wityan ke zorab be tîẍî xeter
be destî řostem zwîr û zebûn bû
sertapa bałay řengîn be xûn bû
kujra be tîẍî zehrawî xeter
çuwe jêr xakî tarîkî bê der
daykî ke bîstî bem new’e eḧwał
be naxun hełî kend qetranî xał
witî newey şêr diłpesendim řo
řołey nazdar û hunermendim řo
gułřû gułdemaẍ newnemamim řo
şêrî şêrzade tuxmî samim řo
zorabî zeřimişt beçke şêrim řo
aza û řeşîd û zor dilêrim řo
her xom bequrban ziřey kewanit
befîday hay û hwî ’ersey meydanit
gyanim bequrban gyanî şîrînit
fîday bezim û řezim meydanî qînit
fîday bałat bim newnemamî no
’emirim nemênê yaxwa lepaş to
qurbanî gonay şewçiraẍit bim
fîday zamî sext of û axt bim
humêdim heye cîhan aferîn
ḧeqit bisênê řołey diłẍemgîn
sertapa cilî te’zyey poşî
lecêy nan û aw xwênawî noşî