ke meyxaney wîsałit hate naw coş
Li pirtûka:
Dîwanî Racî
Berhema:
Racî (1912-1969)
2 Xulek
178 Dîtin
ke meyxaney wîsałit hate naw coş
ke yar û yawerit kirdin sefapoş
lenaw bezim û newa û keyf û def û noş
ke řazawe ḧîcabî meclîsî xoş
le neş’ey mey, nekey bimkey feramoş
temaşa! çon denoşin mey, nîgaran?
le gułzar û çemen, wextî beharan
degêřn çerxî ulfet çawxumaran
etoş qîrî sya, wek giştî caran
le xendey mey, nekey bimkey feramoş
ewa piř bû diłî ’alem le çawit
hemû mestane hestan, çûne dawit
’eceb azadî kirdin qeddî lawit!
eger êmeş cefakêşîn be nawit
le giryey mey, nekey bimkey feramoş
le řêgey ’îşqida derçû ḧeyatim
temam her to bû bo fewz û necatim
kirasî merg, ger kirdit xełatim
le pêş kuştin, be fîdyey, min fîdatim
le şêwey mey, nekey bimkey feramoş
demê fermû, leser çawim mekan ke
diłî pîrim, be yek lence cwan ke
le sozim, defterî ’îşqim řewan ke
dexîlit bim, su’alî bê kesan ke
le sûzey mey, nekey bimkey feramoş
be cîlwey řût û neş’ey çawî xemmar
be xendey demit û řîzey le’il û mirwar
be tuḧfey memit û sîney saf û gułzar
le jêr xêmey ser û zułfî piř enwar
le badey mey, nekey bimkey feramoş
eger bîşmikujî qurban řewaye
ke dermanî elem ka, her xudaye
dû çawit lêm be daym nařezaye
eger řacîNasnava edebî le xizmet bê ḧeyaye
le xasey mey, nekey bimkey feramoş