dił, nirxî leser xałî syay diłbere emşew
Li pirtûka:
Dîwanî Racî
Berhema:
Racî (1912-1969)
2 Xulek
147 Dîtin
dił, nirxî leser xałî syay diłbere emşew
ser, bacî leser xakî derî gułbere emşew
me’lûme le meyxane, hemû qentere emşew
wałaye belay ḧezretî em menzere emşew
girtûye diłim cîlweyî xurşîdî înaret
pêwîste leser necmeyî dîwanî beşaret
yarim, ke leser texteyî heywanî sedaret
xawen ḧeşemî asef û eskendere emşew
hat û, be sefa sozegerîy kirde behane
danîşt û witî: wextî cefa hate nîşane
em seyr û silûket çîye êsta le myane?
wa ’alemî em dewre, le dem ejdere emşew
nûrîne, bilûrîne, řux û gerdin û sîney
řengîne lenaw da’îreyî lence wu ’îşwey
bîbîne le řûy ḧusnewe, bişkêne mey û ney
serwêke, tełay muşk û guła û ’enbere emşew
xende û nezerî, dił deřfênê be muhîmmat
de’ye û guzerî, řuḧ depsênê le mulaqat
bestûye bedem kakołî muşkînî, ḧeşamat
ey way lemnê, zelzeleyî meḧşere emşew
pabendî heway gułşenî řengînî ’êraqim
sewdaserî gêsûyî sebebkarî mîḧaqim
bîstûme ke lew diłbere nêzîke fîraqim
řuḧ dukełe, dił ẍalîye, ten mecmere emşew
carê le hewa bendim û, carê le zemîna
yarîş be ẍezeb ḧazre, herdem le kemîna
’areq deřjênim le hemû çawî birîna
bazařî tewawim heye řacîNasnava edebî were emşew