le giftugoyî xoşdiłî, demî weten geşayewe
Li pirtûka:
Dîwanî Racî
Berhema:
Racî (1912-1969)
2 Xulek
151 Dîtin
le giftugoyî xoşdiłî, demî weten geşayewe
behare mujdehênî her gułêkî řûy kirayewe
seba henaseyî kiçane, řoj û şew ke xul eda
bizane leşkirî xefet şikayewe, kişayewe
eger beheştekey berîn, le çawî nîştimaneket
be şêxî dîn firoş biłê, jyane aşî nayewe
---------------------------Teksta ne aşkira min şika
be hełmetî řewişt û xû, demaxî dił ḧesayewe
kenarî cogele û şet û, kenarî yarî der kenar
xet û temen ekêşin û, şi’ûre dařjayewe
kiçanî mîwe nîweřes, le baweşî tika, tekan
tekan eden be nîştiman û jînî lê tikayewe
le dest û zarî diłberan, birîqedar ebin hewar
qeła û qongirey hewes, binaẍey dakutayewe
le jînî bê berat û ber mepirse qet, xwa neka
ke kiştukałî arezût, be mîzî xełk zayewe
hewênî mêşk û xwênme, heway wiłatî nazdar
tirê û henar û mîwecat, be řûyî geş řişayewe
bira wu bab û kuř, hemû, řeha ebin le bend û pet
ke xwênî cerg û çaw, le dił, be qułp hełqułayewe
ke to hêlanebestî xot, be destî xot bikey xerap
bizane sunbul û gułî werameket werayewe
weten kiçêkî taze bû, le baweşêkî pîrezał
weku sitareyî se’d, be naz řakşayewe
řaweyî řûyî şîrnî, le çawî nesteřen eka
gewherî tacî dîmenî, be nazkî twayewe
hêzî birayetî bizût, fîtnegerî biřayewe
weten hetawî lêhełat, agirî şeř kujayewe
gořîmewe řacîNasnava edebîy hejar, êste be jîkoNasnava edebî nawdar
bêje ke hozî kurdî min, mirdibû, wa jyayewe