newrozî sałî 1961
Li pirtûka:
Dîwanî Racî
Berhema:
Racî (1912-1969)
2 Xulek
133 Dîtin
cejnî diłe, cejnî gułe, newroze, behare
cejnî netewey kurde, çi ladê û çi şare
derçûne le des cewr û hewa û, bestin û serma
çî xake, çi însane, çi gyawgołe, çi dare
em řoje, serî sêsed û şest řoje le jîna
řojî huner û bîre, beşî řaw û şikare
ger nûḧKese, eger hûdKese, eger kaweKesye, têkřa
lem řoje geyştûn be jyan, herçî lebare
em ’erde ke hî toye, de bîkêłe be gurcî
bîjênewe çî mirdełe û řût û hejare
bîkułênewe, dayřêje, ewî řêjewî kane
pêy lade le xot, çî dije, dujmin be heware
řazawe ewey mêrg û keje, têr ke temaşa
piřşingî, hemû řengî guł û bax û çinare
bûkêke lenaw baweşî zawayî jyanda
şayî le hemû goşeyî sarawe dyare
her pince guł û dare, ke cêgîre le řîza
dû řû nîye, lem yekyetîye pałeyî kare
çawit nefřê, mijdeye bo hozî qelender
ger agirî emsał û, eger sûzeyî pare
bêgane! eto çakî bizane ke gelî kurd
namrê, ke leşî giştî le poła wu demare
mêjûy seretay arîy û hîndose, le pêş xełk
pîşe û hunerî řaste, be mîlyar û qetare
netbîstuwe, çerx û felek û sîḧrî meceskar?
pîlan û telîsmatî ḧîkayet, be hezare
îspatî eka ’îlmî eser, kirdeweyî kurd
wek «sêr kisander» ke ełê, bîke be gware
zîndû bewe, newroze, le řeg şîn bewe emca
gwê bigre, medořêne beşt, bext le kare
çawêk bixşêne to be xak û der û deşta
çeşnî wetenî to, le çi layêkî dyare?
paşî temełî û kewtin û, daman û hejarî
norey temen û yekyetîy û geştuguzare
mefroşe şeř û, wergire heq, hatuwe katit
xawênî kewe çandemenît, toxî bijare
---------------------------Teksta ne aşkira
---------------------------Teksta ne aşkira