diłe werdey nefis gunah awerde
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
785 Dîtin
diłe, werdey nefis gunah awerde
sîfet neřûy zat we perde kerde
ce řûy bêşermî perdet diřdewe
hîç newît we teng ewdîm perdewe
«setar»y law da we yaneteda
«kerîm»y şûmî we şaneteda
kirdim we ’amîy řeḧmetekey wêş
wadey bezmî germ xizmetekey wêş
wiyerd, nezanaş sîway ew henî
ax zanayî ew çêş kerî çenî
new demda ce yad kirdey wiyerdem
ce ḧałetî sext we dozex berdem
her delaletêş melaletêwen
her lutfêş perêm xecałetêwen
heway weş nesîm wesił û ḧuzûrî
semûmen perêm çun şinoy dûrî
hay nayî nayê, mutrîb meqamê
muẍennî terzê, saqîya camê
ta demax ney bezim neş’eyê sano
mano, ta ebed we cya mano
şinoş ney demda, ney diłey tengida
řêşey wîrî ẍeyr bido we hemda
beł diłey çend sał întîzarekeş
lezetê bero ce dîdarekeş