ewa beḧrî peroşî min, şepolî da be dinyada
Li pirtûka:
Dîwanî Racî
Berhema:
Racî (1912-1969)
2 Xulek
155 Dîtin
ewa beḧrî peroşî min, şepolî da be dinyada
ke şorî kurd û kurdistan, le êxem destî ber nada
lemêje şwênewarî jîn, be matem bergî poşîwe
dełêy zerdeştî lê mirduwe, le coşî îş û hîwada
jyan û nîştimanim řo, ke dujmin awedanî ka
ebê çon ḧasîłatî hełgirê û xermanî ber bada?
le pênawî kuřanî gel, leşî xwênawîye xakim
meger firmêskî zamane, le řengawřengî sîmada
ełêy dakî cigersûtawî bêtawane, bêhoşe
be giryan dengî nûsawe, le dagîrsanî feryada
seba, perit û biławim kokewe ta têmgeyênê şew
le kam şwên û kelênî gel, ke biřyarî teqella da?
diz û ḧîz û dirozin asewarî ger biřa, kake
biłê cejnî diłe, ba des bixate destî hîwada
xetay şeytanî xomane, kelupelman ke efroşin
bexořayî, ke xořayî derîhênayn le bunyada
ke madde îş bika tenya, be tebyat řîze nagîrê
ke tebyat lêkcyawazin, leser meydanî îcada
wicud giştî le nêr û mêwe têkełkêşe, bîzane
ke ayînîş dirust ekirê, le mê û nêrî manada
heta terkî neka karî xerapî, çakî lê naya
be nîsbet der’ebê nîsbet, le te’rîxî heywilada
be heq bînase ew zatey, ke naguncê to bîbînî
ke şepřêwe beramber ew, hemû bîrê le sewdada
metirse heq biłê jîkoNasnava edebî, heta mawî be serbestî
eger bitken be dara, ya serit bibiřn le bê dada!.