donadon

eger le řojêkda mirdî û řeşeba bû
řenge řoḧit biçête naw leşî bewrêkewe
eger le řojêkda mirdî û bebaran bû
řenge řoḧit biçête naw leşî gomêkewe
eger le řojêkda mirdî û xoretaw bû
řenge řoḧit biçête naw leşî tîşkêkewe.
eger le řojêkda mirdî û befranbar bû
řenge řoḧit biçête naw leşî kewêkewe
eger le řojêkda mirdî û temtûman bû
řenge řoḧit biçête naw leşî dołêkewe
bełam êste wek ebînin: min zîndûm û şî’irtan bo exwênmewe û
keçî řoḧim zor demêke
çote ceste û naw leşî kurdistanewe!