bab 6
1) le paş ewey yesû’ çû bo ew lay beḧrî celîlê, ye’nî beḧrî têbrîye.
2) û xełkêkî zor wedway wî dekewtin çunke ew nîşananeyan dedî ke leser nexoşanî dekird.
3) û yesû’ weser kêwî kewt û lewê degeł şagirdanî xoy řonîşt.
4) û fesiḧ, cêjnî yehûdîyan nîzîk bû.
5) û ke yesû’ çawî xoy hełêna û xełkêkî zorî dî ke dehatne kin ewî, be fîlposî gut: le kwê nan bikřîn ke ewane bixon?
6) beła ewey degut ke ewî tecrebe bika, çunke boxoy deyzanî çî deba bika.
7) fîlpos be wî cwabî da: dûsed dînar nan bo wan bes nîye hetakû her yek kemêkî bistênê.
8) yekêk le şagirdanî wî, endiryas biray şem’ûn pîtros be wî gut:
9) lêre kuřêkî çikole heye ke pênc nanî co û dû masî heye. beła ewane çin bo ewende zoran?
10) yesû’ kutî: ba xełkî řobnîşin. beła dew cêyda gyay zor hebû û pyawan be ḧîsab beqed pênc hezar řonîştin.
11) ew demî yesû’ ew nananey hełgirt û ke şukirî kirdibû, bo řonîştuwanî beş kird û her waş lew masîyan her çendêkî ke wîstyan.
12) û ke têr bûn be şagirdanî xoy gut: ew letkaney ke zyad bûn, xiř bikenewe hetakû çitêk win nebê.
13) û xiřyan kird û le letkanî ew pênc nananey co ke zyad bûn le ewaney ke xwardibûyan, dwazde zembîlyan piř kirdewe.
14) û ke xełkî ew nîşaneyan dî ke kirdî, kutyan: beřastî ew pêẍemberey ke dête dinyay eweye.
15) dena wextêkî yesû’ tê geyşit ke deba bên û ewî be zorî bigirin ke bîkene padşa, dîsan ço ser kêwî ew boxoy betenê.
16) beła wextêkî êwarê bû, şagirdanî wî çûne xwarê, lekin beḧrî.
17) û wejûr gemêyekî kewtin û bo ew lay beḧrê bo kefernaḧumî deçûn, û elan tarîk bû û yesû’ hêşta bo kin ewan nehatbû.
18) û beḧir le bayekî gewre ke lêy deda zor têkeł debû.
19) wextêkî beqed bîst û pênc yan sî tîrhawîştinê sewłeyan lê dabû yesû’yan dî leser beḧrê degeřa û nîzîkî gemê dehat û tirsan.
20) beła ew be wanî gut: emnim metirsên.
21) ew demî wîstyan ke ewî de gemêda qebuł biken û cêbecê gemê lekin ew erzey bû ke bo ewê deçûn.
22) de řojî dîda, xełkî ke lew berî beḧrê řawestabûn dîtyan ke gemêyekî dîke lewê nebû bêcge le yekêk, û ke yesû’ degeł şagirdanî xoy wejûr gemê nekewtibû, beła ke şagirdanî wî betenê çûbûn.
23) beła gemêyanî dîke hatin le têbrîye nîzîkî ew cêy ke nanyan lewê xwardibû lepaş şukirkirdinî řeb.
24) dena wextêkî xełkî dîtyan ke ne yesû’ lewê bû û ne şagirdanî wîşî, ewan weser gemêyan kewtin û hatne kefernaḧumî û ḧewlî yesû’yan deda.
25) û ke ewyan lew lay beḧrê peyda kird, be wîyan gut: řebbî kengê hatûye êre?
26) yesû’ be wan cwabî da û kutî: řastî řastî be engo dełêm: engo ḧewlî min deden ne leber ewey ke nîşananû dî, beła leber ewey ke nananû xward û têr bûn.
27) karê meken bo ew xorakey ke hîlak debê, beła bo ew xorakey ke heta jyanî ebedî demênê, ewey ke kuřî însanî be engo deda, çunke bab ye’nî xuła ewî mor kirduwe.
28) ew demî be wîyan gut: çî bikeyn hetakû karanî xułay becê bênîn?
29) yesû’ cwabî da û be wanî gut: karî xułay eweye ke îman bênin be ewey ke ew nardûye.
30) ew demî be wîyan gut: dena çî nîşaneyekî dekey hetakû bibînîn û îman be to bênîn? çî karêkî dekey?
31) babanî me de çołîda minneyan xward çilonêkî nûsrawe, nanî le asmanê be wan da ke bixon.
32) yesû’ be wanî gut: řastî řastî be engo dełêm: mûsa ew naney le asmanê be engo nedawe beła babî min ew nanî řast le asmanê be engo deda.
33) çunke nanî xułay eweye ke le asmanê dête xwarê û be dinyay jyanê deda.
34) ew demî be wîyan gut: ya řeb, ew naney hemîşe be me bide.
35) yesû’ be wanî gut: emnim nanî jyanê, ewey ke bête kin emin birsî nabê û ewey ke îman be min bênê qet tînû nabê.
36) beła be engom gut: ke emnîşû dîwe û îman nayenin.
37) hemû ke bab be min deda dête kin emin, û ewey ke bête kin emin qet derî nakem.
38) çunke le asmanê hatûme xwarê ne ke îradey xom bikem, beła îradey wey ke emnî narduwe.
39) û eweye îradey wey ke emnî narduwe, ke le hemû ewey ke be minî dawe çitêkî win nekem, beła ke de řojî axrêda ewî hełdestênmewe.
40) çunke îradey babî min eweye ke her kes ke kuřî bibînê û îman be wî bênê jyanî ebedî debê û ke emin de řojî axrêda ewî hełdestênmewe.
41) ew demî yehûdîyan leser ewî bołebołyan dekird çunke kutî: emnim ew naney ke le asmanê hatote xwarê.
42) û deyangut: erê ewe yesû’ kuřî yusif nîye ke eme bab û daykî denasîn? dena çilon dełê ke le asmanê hatûme xwarê?
43) yesû’ cwabî da û be wanî gut: degeł yektirî bołebołê meken.
44) hîçkes natwanê bête kin emin eger bab ke emnî narduwe ewî nekêşê û emin de řojî axrêda ewî hełdestênmewe.
45) de pêẍemberanda nûsrawe û hemuwan le xułay te’lîm dekirên. her kes ke le bab bîstûye û fêr buwe dête kin emin.
46) ne ke kesêk babî dîwe. her ewey ke le xułaye ew babî dîwe.
47) řastî řastî be engo dełêm: ewey ke îman bênê jyanî ebedî heye.
48) emnim nanî jyanê.
49) babanî engo de çołîda minneyan xward û mirdin.
50) eweye ew naney ke le asmanê dête xwarê hetakû kesêk le wî bixiwa û namrê.
51) emnim ew naney zîndû ke le asmanê hatote xwarê. eger kesêk lew naney bixiwa, heta ebedî dejî. we ew naney ke emin dedem bo jyanî dinyayê bedenî mine.
52) ew demî yehûdîyan degeł yektirî şeřyan kird, deyangut: ewe çilon detwanê bedenî xoy be me bida ke bîxoyn?
53) yesû’ be wanî gut: řastî řastî be engo dełêm: eger engo bedenî kuřî însanî nexon û xwênî wî nexonewe, de xotanda jyanû nîye.
54) ewey ke bedenî min dexwa û xwênî min dexwatewe jyanî ebedî heye û emin de řojî axrêda ewî hełdestênmewe.
55) çunke bedenî min xwardinî řaste û xwênî min xwardinewey řaste.
56) ewey ke bedenî min dexwa û xwênî min dexwatewe, de minda demênê û emin de wîda.
57) çilonêkî babî zîndû emnî narduwe û emin be sebebî bab dejîm, her waş ewey ke emin dexwa ewîş be sebebî min dejî.
58) eweye ew naney ke le asmanê hatote xwarê, newekû baban xwardyan û mirdin. ewey ke lew naney bixiwa, heta ebedê dejî.
59) ew çitaney de kenîştêkîda gut wextêkî de kefernaḧumêda te’lîmî deda.
60) û zoran le şagirdanî wî wextêkî bîstîyan kutyan: ew qiseřeqe, kê detwanê gwêy lê bigrê?
61) beła yesû’ wextêkî de xoyda deyzanî ke şagirdanî wî leser ew çitey bołebołyan dekird be wanî gut: erê ew çite engo hełdengiwênê?
62) dena çilon debê eger kuřî însanî bibînin weser bikewê bo ew cêy ke hewełê lewê bibû?
63) řuḧe ke zîndûy dekatewe, beden hîç faydey nîye. ew qisaney ke emin be engom kutuwe řuḧe û jyane.
64) beła le engo hêndêk hen ke îman nayenin, çunke yesû’ le hewełewe deyzanî kên ewaney ke îman dênin û kêye ke ewî teslîm deka.
65) û kutî: leber ewey be engom kutuwe ke kesêk natwanê bête kin emin, eger le bab be wî nedrawe.
66) le ew sebebey zoran le şagirdanî wî bo paşewe çûn û îdî degeł ewî nedegeřan.
67) ew demî yesû’ bew dwazdaney gut: erê engoş detanewê ke biçnewe?
68) şem’ûn pîtros be wî cwabî da: ya řeb bo kin kê biçîn? eto kelamî jyanî ebedît heye.
69) û eme îmanman hênawe û zanîwmane ke eto muqedesî xułay.
70) yesû’ be wan cwabî da: erê emin engo dwazdem hełnebjarduwe? we yekêk le engo şeytane.
71) beła beḧsî yehûda kuřî şem’ûn êsxerîwtî qisey dekird çunke ew deba ewî teslîm bika û yekêk lew dwazdane bû.