zistanî ladê
Li pirtûka:
Kejawey Dil
Berhema:
Nasir Axabira (1968-2020)
2 Xulek
691 Dîtin
zistane sipay serma û soł
gemaroy dawe deşt û doł
dare gwêzî befir le koł
êsta gwêzî bûne sehoł
dêwe sipî kewte telan
berew germên řoyîn melan
dandira kursîyekey çelan
hatewe wextî şewçelan
dîwexan germ bûn dîsan
sobe hatnewe meclîsan
berz bû dengî mişaran
qirç û hoř kewte nêw daran
şexte day le řez û mêwan
meř geřanewe le kêwan
bêł û werwere jyanewe
penke û yexçał kujanewe
giran bû nirxî kiławan
bû be girme û gemey lawan
espî řawî le sef diran
tajî řesen řiste kiran
mamz hesta le germelan
xoşî berew řijd û telan
çepłe û guřřey şořeswaran
deştî piř kird wekû caran
řastî eger zistan dadê
kangayekî germe ladê
dûr le girmegirmî şarî
piř le sefa le hawkarî
sed jînî maşênî dênê
set xemit bê yek namênê
tamî qawirmey zistanê
kwa xełkî şarî deyzanê
xurmay corabênê sadem
be letîfey şarî nadem
seyrî kose û mîrmîrênê
set fîlmî fêławî dênê
le dêy, zebruzengî zistan
řadebrê wek şewî mestan
befrî legleg û pîrêjin
ba daxî xoyan biřêjin
axrî behar her dêtewe
řûy řejîy pa nabêtewe
axrî şemał be nałenał
řadepeřê le befrî zał
dexuşê sêławî deşt û doł
qirçe dê le piştî sehoł
limbozî le xoł werdedeyn
awrî kawey tê berdedeyn
befrî pesar detwênewe
kanyawî řûn dejênewe
şîlanî sûr deřwênewe
kotre peřîwe dênewe