şwan û bêrî
Li pirtûka:
Kilpey Derûn
Berhema:
Mela Ebdulrehmanî fatihî (1930-2002)
3 Xulek
297 Dîtin
şwan:
kîjołey nazdar, bała sinewber
qamet ’er’erî berzî mû kemer
çaw gelawêjî, ebro tîr û şîr
egrîcelarey şox û şîk û jîr
gona peřey guł, tawsî beheşt
mem sêwe sûrey baxatî serdeşt
gerdin mirawî, xał xase kewê
kotre nexşîney cêmaw le řewê
dem xunçey behar, wenewşe asa
lêw le’il û mercan, yarî be wefa
bêrye neşmîley xiř û nerim û řend
hewarçîy cwan û, awxorî sehend
taze yarekey xêłî řewendim
naskołey nazdar, serkułme qendim
katî nîweřo meř dête berbêr
kemê gwê bigre, bot lêdem bilwêr
bizane dengî bilwêr dełê çî?
ke nałey wekû zamdaran deçî
serapa basî cwanîy to deka
basî diłdarî min û to deka
dełê kunkune diłim wekû ney
dił koyley toye, to çî lê dekey?
’îşqit bilêsey germe le nêw dił
bilwêr be şewqî to hatote kuł
carê be bilwêr, carê be giryan
çya û şax û doł, lêm bûn herasan
gwê bigre tawê le dengî şimşał
ke çon berd û dar dehênête ḧał
giřey derûnim neẍmey şimşałe
şew û řoj bêrî! her ewem ḧałe
bêrî:
şwane giçkełey dił piř le nałe
hawřazî bulbul lew kej û yałe
kełaşe peřo peste hełdiřaw
kiras dêw camey şiř û dadřaw
desre şîtałî kiław hembane
kewa xerqekon şan û mil pane
řanke řeşkeka, çoxe dawekew
çaw hałe herzin, bê xwardin û xew
piştên peřo û pał, mil dawedezû
qed qefeqamîş, tureke buzû
goçan kenêre, des bênk sê ta
simêł kołe gesk, kepo dar ’esa
kepenk xurî, şedawe masî
lawe şoxekey hozî biłbasî
şwane jîrekey cwan û bê hawta
hêzî henawim le herdû dinya
kołekey jînim, gułî bê gerdim
şwane ẍerîbey henase serdim
dêwane řeftar, mecnûnî şeyda
besyetî şîwen le dûrî leyla
penceket şil ke, bom lêde bilwêr
pał wepałim de, leser berdebêr
sermalêdrawî kwêstanî zenwêr
laberî derdim, be gałey bilwêr
şořelawekey hozî kurdanim
derûn sûtawî serşaxekanim
qewlim pê dawî be gyan û be dił
be man le bo tom, be mirdin bo gił
tuxwa be soze û, be nałey derûn
bom lêde bilwêr, leylî tom mecnûn
be řoj û be şew bê qerarî tom
sîne biryanî girye û zarî tom
wek leylê koştey dûrîy mecnunim
řengizerd û ze’îf, mat û zebûnim
bêrî û şwan ewa bûn be hawserîn
«fatîḧîNasnava edebî» besye nałe û kuł û şîn!