zikir amtiḧan nimudin aşraf qirîş ḧizirit xatim al’enbya û bawir nikirdin an tîredlan gimrah bih mi’cizat ḧizirit miḧimd alimistifî ﷺ
Li pirtûka:
Rewzetul Sefa
Berhema:
Mîrza Ebdilqadirê Paweyî (1850-1910)
6 Xulek
456 Dîtin
yek řo ’etebe û şeybe û hem erqem
ebûsufyan û ebûcehil we cem
ehil senadîd eşraf qureyş
řu’esay ’ereb řeng baf qureyş
qerîb be dûsed bê zyad û kem
ce seḧray mekke cem bî cema cem
çend tedbîr sext ’ecayb kerdin
çend kîne û ẍerez ne dił awerdin
axir yek nefer ce ehil eşrar
kyastin we şon şay buřaq swar
teşrîf bawero satê we sara
şad bo be dînş dara û ne dara
şay xetmî pena fewrî teşrîf berd
ehil qureyşî yekser axêz kerd
fermawa be min çêşen kartan?
xuđa bêzar bo ce dîdartan
watşan be to ke ey muḧemmed
yek ’erzê darîn er nîken er bed
to karê ’ezîm gêrtenî ne wer
bew kare qureyş bibo der be der
ced û abay to aman wiyerden
hîç kes î kare de’wî nekerden
ême ḧacetê gişt be to darîn
goşey mu’cêzet we çem medarîn
eger to we řas î kare kerdî
mudde’ay qewman we ca awerdî
gişt êqrar darîn we pêẍemberît
be şifa’et xwahî û ummet perwerît
ḧezret ferma qewm xeyałş xamen
meram hem çêşen ew kare kamen?
watin ew dirext dyaren ce dûr
to ew tełeb ker beyo ew ḧizûr
rîşeş her çi hen horkenyo ne xak
şax û bełgiş gişt ce yek nebo tak
beyo wey miciłs bê perwa ce no
çenî to waziḧ kero giftu go
ḧezret wat bełê ’eceb nadren
bełam ḧeq we gişt eşya qadren
eger xuđawend î kare kero
el’an ew dirext wey ca bawero
be waḧêdî ew biden gewahî
êqrar ken we zat ferd êlahî
muşrêkan yekser watşan «ni’im»
gişt mekeyn êqrar be dił hem be dem
ḧezret fermawa binmanûn pêtan
yekser nadim bin ce kerdey wêtan
cew dima ḧezret nêda kerd we cext
we zeban ḧał tełeb kerd dirext
ferma ey dirext sin’et saz ḧeq
aferîdey zat bê hemtay mutłeq
eger to îman be xuđa darî
ẍewẍay qyamet we çem međarî
we êzin me’bûd dehnidey bê bak
řîşet gişt yekser ber awer ce xak
bo tawê miciłs ladê min û to
çûn yaran yar bikeyn giftu go
der sa’et dirext hîç nekerd dirêx
ce řîşe ama horkinya ce bêx
nîşt ne řûy hewa wêney kemûter
ta şî we ḧizûr şay «xîr albişirErebî»
midra be pawe we «libîk libîkErebî»
watiş ya řesûl «silam ’ilîkErebî»
ḧezret ’eleykiş der dem sendewe
«la ḧul û laEreb ce no wendewe
persa cew dirext ałay ’eceb terz
şax û bełk şîrîn şox bała berz
ferma, dirext kê toş îcad kerden?
to hem îmanit be kê awerden?
wat me’bûd min xuđay bê baken
sin’et saz ’erz her hefit eflaken
«ya nibî alilhErebî» her kes nawero
îman be xuđa û şehadet be to
ce řoy qyamet cehennem caşen
řefîq şeytan dûzex mawaşen
çûn qewm qureyş goş da we bê hoş
deng ew dirext şineftin be goş
ce siř bê çûn giftu goy ew dar
qureyş ce xicłet ser wistin be war
ḧezret wat henî mend behanetan
ḧeq xirab kero yekser yanetan
watşan bełê biferma bew dar
dû lit bo temam ce ser ta be war
nîmeş ce lay to bimano ce pêş
ew nîmeş bişo we cay esił wêş
ḧezret hem ce no nêda kerd bew dar
watiş bo be ’eşq danay kirdigar
her çî qewm ce to temenna daro
bawer we encam emirşan aro
dirext wat bełê ce řîşe ta ser
dû lit bî temam be emir dawer
nîmeş fewrî şî we cay esił wêş
ew nîm ce ḧizûr midra bê endêş
qureyş ’erziş kerd hem darîn umêd
êđ bişo cay ew, ew beyo cay êđ
hem êşare kerd çûn baz tîz dew
ew lit amawe êđ şî we cay ew
dîsan hem qureyş qewm bed kirdar
’erz kerd ne xidmet şay buřaq swar
biferma bibo darekey caran
bişo we cay wêş pey řozgaran
ḧezret wat ey dar zeḧmetim da pêt
hem bişo we cay esił pos wêt
î lit şî we lay ew lit we bê xem
xaster ne caran peywes bîn we hem
watşan sêḧirş nek her carêwen
’eceb saḧir û cadûkarêwen
bełê ce ê’caz xwacey ka’ênat
her êđ kafyen pey gişt mu’cêzat
dîsan hem yek řo qureyşî yekser
cem bîn ne xidmet şay «xîr albişirErebî»
watşan sa to er pêẍemberî
er salar sef seḧray meḧşerî
ê’cazê bizurg binmane pêman
take nadim bîn ce kerdey wêman
ême û ’eşayr ’areban beř
be pêẍemberît bikerîn bawer
ḧezret fermawa êwe û xuđatan
dûbare çêşen hem mudde’atan?
watşan metłeb we bê lam û cîm
qemer ce gerdûn bikerî dû nîm
xas her dû qêsim zerîf dyar ban
her dû we ’alem gişt aşkar ban
take yek sa’et we řûy semawe
her dû we tertîb bişan we řa we
ḧezret wat bełê metłebim zana
er min we tewfîq danay tewana
ce řûy asman şeq kerdim qemer
zahêr her dû şeq ama ew nezer
mawerdê îman be xuđay bê bak
be weḧdanîyet ferd tenyay tak
qureyş wat «ni’imErebî» xîlafiş nebo
îman mawerîm be xuđa û be to
şay xetmî pena ḧebîb dawer
řûy enguştiş kerd êşarey qemer
we emir xalq tak tenyay ferd
mang ce asman der sa’et şeq kerd
çûn sêfê we têẍ kerîş be dû lit
dû şeq bî ce siř ê’caz ḧezret
bew tewr dûr kewtin ce semay erzeq
ta koy ḧera kefit beyn her dû şeq
kuffar beđbext řû syay řû zerd
watin muḧemmed ’eceb sêḧrê kerd
be’zê watşan ce qewm beđxo
ce etrafê ter beł wey tewr nebo
tuccar qureyş ce ’ałem cemen
be’zê ha ce şam be’zê ce yemen
menden ta ’ewdet amay ew xwêşan
ta byanewe bipirsîn lêşan
er «şiq alqimirErebî» ce gişt ca byen
yeqîn muḧemmed xîlaf gû nyen
er her ce mekke î kare kerden
me’lûm her sêḧir û cadûy neberden
cew demda tuccar mułk turk û taz
amawe yekser ce şam û ḧêcaz
ru’esay qureyş ce kîne kêşan
yeka yek ce mang gişt persan lêşan
watşan bełê ce fiłane şew
qemer dû lit bî we dewan dew
take yek sa’et bê zyad û kem
cew dima dîsan peywest bîn we hem
qureyş wat cadûy muḧemmed byen
beẍeyr ce sêḧir çîwê ter nyen
ehil gumřahan dûr ce hêdayet
bed řeftarîşan yawa we ẍayet
ḧezret ’aciz bî ce bedkarîşan
ce hamsayegî û ham cewarîşan