dir byan riftin ḧizirit fixir ka’nat ﷺ be sifa û miruh û xilayq ra di’ut kirdin be aslam û azar dadin kifar bih an pîẍmibir nazdar
Li pirtûka:
Rewzetul Sefa
Berhema:
Mîrza Ebdilqadirê Paweyî (1850-1910)
8 Xulek
458 Dîtin
ḧezret wey gişt derd wey derd û cefa
dîsan teşrîf berd we merwe û sefa
sê car nêda kerd we awaz nerim
we qewm qureyş tayfey bê şerim
ferma ta serîḧ bwaçûn pêtan
min pêẍemberim me’lûm bo lêtan
be bê me’reke û be bê daweran
îman be xuđa û be min baweran
me’bûd yekêwen tenha û lamekan
zat bê zewał can de û can sitan
xalq her ewen ême gişt mexloq
’alem gişt meşo tîp tîp û coq coq
mexloq gişt fanî mebo we taqî
xalq her wêşen memano baqî
sê car nêda kerd ke ey xelayq
bergerdin ce dîn emir nalayq
muşrêkan yekser niga mekerdin
peyapey sucdey butan meberdin
naga ebûcehil mel’ûn bed řeng
bê ḧeya û bê şerim gumřay dił ce seng
des berd ye sengê hewada we qar
da we pêşanî mustefay muxtar
hûn alûde kerd cebhey munewwer
hûnîn bî řuxsar pak pêẍember
muşrêkan yek yek çûn xûnexware
şendin we ḧezret çend seng pare
cew dima ḧezret şay firîşte xo
gurêza ce taw řû nya we ko
ce dest qureyş qebîley bê dîn
we bê êxtyar kewt ew řûy zemîn
cew dem xedîce qaş qews qeşeng
pey dûrî ḧezret xatirş kerd teng
persa ce ’elî, banûy nîk nam
wat kon muḧemmed «’ilîh alsilamErebî»?
watiş muşrêkan giroy ẍeddaran
aro kerdişan ew senge baran
me’lûm teşrîfiş we yane naman
bizane çêşiş hem we ser aman
xedîce nała we girînewe
pencey meynetan da we sînewe
be’zê te’amat ḧazir kerd we dew
axêz kerd ne ca wêney şem’ şew
’elî hem yek meşk awiş gêrit ne doş
řahî bîn ne řa be nałe û xiroş
’elî wat gerdiş wadî perê to
ta ke min bişû perê bałay ko
bizanîn ḧezret çêş peneş aman
çi tewr ewgaren ce êş zaman
mewat ce konî şay e’la sêfat
ba’ês îcad kulil mewcûdat
fêdat bam daxo ce ko xeftenî
ne pay kam sengê bê kes keftenî
xedîcey kubra be şîn û załe
be waweylay germ be ah û nałe
pey pey çûn seyyad parêz meberdiş
we awaz berz nêda mekerdiş
mewat ya eḧmed şay «xîr albişirErebî»
xedîcem ce min wêt penhan meker
qezat we gyanim ce kêt tor kerden
teşrîf xeyrit ye ew ko berden?
mecrûḧ û medhoş kamîn xarenî?
zedey zam dest kam kuffarenî?
xedîcey kubra ce deşt û der da
’elî ce ser ko međa we serda
naga cibre’îl teşrîfiş awerd
derûn ḧezret ce xem xałî kerd
cibre’îlş dî şukir ḧeq kerdiş
sucdey bendegî xuđawend berdiş
ferma ya emîn dît qewm bedkar
çêş kerden be min ce řûy řozgar
tekzîbim kerden her yek we řengê
daşan we cestem her yek we sengê
ye we min aman we hîç kes naman
bergim guł gułen ce zûx zaman
firawan xeylê ewqatim tałen
derûnim tengen ḧałim bed ḧałen
cibre’îl watiş «ya xîr albişirErebî»
to ce muqedder dił ew dił međer
dest ḧezretiş gêrit we destewe
hîç nebî we teng xas û gestewe
axêz kerd derlad dîsan hem ce no
teşrîf ḧezret berd we bałay ko
ce zîr bał wêş textê ber awerd
ce duř û yaqût ałay lacewerd
fewrî pêẍember nişana we text
’erz kerd ne xidmet ew şay bułend bext
wat ya muḧemmed řesûl ekirem
er mertebey wêt mewînî we çem
ewsa mezanî çûnen meqamit
ce lay nam ḧeq nwîsyan namit
ew dirext berz dyaren ce dûr
nêda biker lêş beyo we ḧizûr
ḧezret tełeb kerd derdem ew dirext
řîşeş ber ama ce řûy xar sext
ama we ḧizûr ce ser ta we pa
sê car sucde berd we şay enbya
ḧezret fermawa bişo we cay wêt
weş amay we xeyr zeḧmetim da pêt
derlad ew dirext teşrîf berdewe
řîşeş ce zemîn meḧkem kerdewe
naga yek melek êsme’îl namê
peř û bał qeşeng şîrîn kelamê
siłam kerd û wat ya şem’ dawer
ya salar sef zemzemey meḧşer
wat ya muḧemmed ḧeq emirş kerden
mutî’ to bûn ta we řoy merden
min mela’êkey řûy asmanim
ferman fermay gişt sitareganim
eger mefermay sitaran ce no
biřêzûn we ferq duşmenan to
yekser xas û ’am biban we qeqnes
çûn ehil dûzex kes nebo we kes
naga hem yoter ama ce lawe
sucdey ḧezret berd midra we pawe
wat ya muḧemmed xeylê ẍemînim
min mela’êkey řûy serzemînim
ḧeq emirş kerden mutî’ to bam
ẍułam payey řefî’ to bam
er međey řuxset zemîn şeq derû
duşmenan to gişt nigûn kerû
ce nowe hem yek mela’êkey pak
ama we siłam şay tac lewlak
wat ya muḧemmed min me’mûr tom
we emir me’bûd ne ḧizûr tom
eger meylit hen we yek şax herd
duşmenanit gişt bikerûn we gerd
dîsan peyda bî firîştey derya
ama siłam kerd we şay enbya
wat ya muḧemmed fêday nam tom
be fermûdey ḧeq min ẍułam tom
er îzin darî ’elem we pakem
tayfey kuffar ẍerq derya kem
ḧezret da cwab me’muran ḧeq
watiş xuđawend mewcûd mutłeq
minş pey ’ezab meb’ûs nekerden
bełke pey řeḧmet min aferîden
cehaleten qîn, cehd na layq
tereḧum weşen çenî xelayq
baze min û qewm ẍeddar mel’ûn
bikoşîn we hem ta çûn mebo çûn
ewan nadanin, meker menaşan
min be danayî meşûn ne řaşan
bełke neyawo metłeb we ẍayet
ḧeq baweroşan ne řay hêdayet
cibre’îl ’erz kerd watiş ya řesûl
xedîcey kubra peşêwen melûl
mela’êkey ’erş gişt ce giryey ew
giryanen yekser we dewan dew
nêda biker lêş ta beyo we lat
dîdeş řoşin bo we tûtyay pat
we xatir cemî mujde biđer pêş
xuđa we kerem siłam kerden lêş
beşaretiş dan qesrê ce beheşt
şîrîn ter ce qesir qisûr her heşt
xiştêş ce sîmen xiştê hem ce zeř
sazan be cewher aw tełay teř
ne xem ne xeyał ne cay zeḧmeten
ne pejarey kos ne kidûreten
cew dima ḧezret şay xetmî pena
«’ilîh alsilamErebî» řûḧî we fêda
xedîcey kubra tełeb kerd we pêş
nişanaş ce lay des řast wêş
dîş hûn çûn çeşmey ḧeyat coşanen
ce řûy mubarek ḧezret řewanen
xedîce pey pey we toy camey wêş
hûnş pak mekerd dîsan mama lêş
’erz kerd fêdat bûn qîbley dinya û dîn
baze ba ew hûn bişo we zemîn
ferma xofim hen ce kîne kêşan
newa ḧeq ẍezeb bigêro lêşan
’elî hem yawa ta we lay ḧezret
çem mała we xak pak pay ḧezret
tarîkey ẍirûb ama ce serda
her sê řahî bîn bew deşt û derda
kem kem ta teşrîf we betḧa berdin
hem muracê’et we menził kerdin
ḧezret cew mewzê’ derdem nişanan
îse ew cage sexreş mwanan
naga muşrêkan zanaşan xeber
yek yek gêrtişan dewr pêẍember
dîsan des kerdin we herze bazî
be bed guftarî û be seng endazî
her yek ne cayê çûn xûnexware
we seng sengîn çûn ateş pare
ce kûçe û guzer pey pey mekendin
we řûy mubarek ḧezret meşendin
çûn terzey behar meřêzan ce ser
xedîcey kubra wêş kerd we esper
daym pey ḧezret wêş fêda mekerd
we qewm qureyş her nêda mekerd
mewat ey ’eşret qewm bê ḧeya
wesen cesaret ce řûy enbya
ehil gumřahan, giroy bed nehad
ce yaney wêşan zenan azad
bê guna û teqsîr ce řozgaran
ye pey çêş meken min senge baran
çûn qewm qureyş kûrey dił we coş
seđay xedîce şineftin we goş
ce bed kirdarî ew şew dest kêşan
nadim bîn yekser ce fê’il wêşan
cew dima ḧezret «’ilîh alsilamErebî»
hem çenî ḧerem xedîcey nîk nam
ga bê deng ga ga menałan be taw
ta subiḧ sadiq hîç nekerdin xaw
seḧer we tewfêq tak tenyay ferd
teşrîf xeyriş hem we mescêd berd
qanûn ta’et we ca awerdiş
şukiraney bê ḧed xuđawend kerdiş