zikir wiqay’ sal sî û pincim az wiladit ḧizirit miqdis nibwî û byan bi’zî amur kih bi’d az an ta ḧîn bi’ist bih zihur pîwist
Li pirtûka:
Rewzetul Sefa
Berhema:
Mîrza Ebdilqadirê Paweyî (1850-1910)
5 Xulek
638 Dîtin
ḧezret cew demda ce mekkey awa
’umir şerîfiş we sî û penc yawa
çend weqay’at çend mehlekey sext
řûda yeka yek be wext û na wext
zat bê zewał tak tenyay ferd
ce şeř duşmen muḧafêzeş kerd
ce be’zê kutub syer mestûren
ce lay řawyan wey tewr meşhûren
fatmey zehra ḧeq řazî bo lêş
cew sał peyđa bî ce lay qewm û xwêş
xatirş zyad xeylê ’ezîz bê
her be etfałî saḧêb temîz bê
ta ’umir ḧezret yawa be sî û heşt
tenha ce seḧra mekerdiş guł geşt
meyawa we sem’ şerîfiş her sat
be awaz berz keřat û meřat
şecer û ḧecer nebatat yekser
siłam mekerdin gişt we pêẍember
řoşnî ’eceb hem medî we çem
xof meberd ne dił çem menya we hem
bełê be eseḧ esił ḧêkayet
wey tewre řawî kerden řêwayet
qerîb be bê’set amay řoḧanî
nezdîk be nizûl weḧî řebanî
teşrîf ḧezret ne toy enderûn
her wext pey karê meşî we bîrûn
şecer û ḧecer yekser we «libîkErebî»
mewat «ya risul silam ’ilîkErebî»
we her ca ḧezret teşrîfiş meberd
her eşya pey wêş siłamş mekerd
ḧezret cey awaz cey deng û bê deng
ḧeyran mende bê ce lay dar û seng
yemîn û yesar niga mekerdiş
kes nebê çûn xof ne dił meberdiş
new ca megurêza be wêş međa dewr
meşî we cayê henî hem bew tewr
cew dima we ḧukim şay «la tinahîErebî»
asar enwar lutif êlahî
zat ’eqîdeş we ḧeq kerd kamił
cay seraçey dił ḧezret kerd menził
sefḧey zemîrş be ẍeyr ce ełła
xałî bî temam ce «ma swî alilhErebî»
meyl ḧeq bew tewr ne dił neqşiş best
ce gişt imûrat ẍeyre kêşa dest
qeti’ kerdiş ne dił meyl ’elayq
la berd êxtêlaf çenî xelayq
mertebey ’eşqiş bew cage yawa
her şew ta we subiḧ, subiḧ ta xur’awa
yađiş her maway yađ xuđa bê
key xuđa ce ew yađiş cuda bê
mewatin ’ereb gumřay derûn řeq
nedîn muḧemmed ’aşiqen we ḧeq
çûn mebo kesê dił pesendîde
’aşiq bo we yad xuđay nadîde
teswîr xeyał nefsanî ne dił
we aw êẍmaz şusten wêney guł
teşrîf berd pey beyt ke’bey mu’ezzem
mekerdiş tewaf baregay ḧerem
menził ce koy berz ḧera da qerar
şewan ta we řo, řo hem ta êwar
be qa’îdey qesir tewecû kerdiş
wey tewr řyazet daym meberdiş
řay ’ibudîyet wey tewr gêrit ne wer
meḧkûm bî we ḧukim dehnidey dawer
gahê pey karê şay gerdin bê gerd
teşrîf we ḧucrey xedîce mawerd
endekê řozî zad qurs co
meberdiş dîsan řû menya pey ko
hem ce koy ḧera me’bedgay caran
ewqat serf mekerd ce řozgaran
her be ’êbadet şay firîşte xo
řo mekerd we şew, şew mekerd we řo
ḧucrey derûnş we ḧukim şahî
menqûş bî we neqiş ayey êlahî
«ruḧ al’emînErebî» bî be mu’ellêmş
lefiz furqan kerd be tekellumş
sîney bê kîneş saf meḧfûz kerd
şarezay ewza’ «luḧ alimḧifuzErebî» kerd
sub ce koy betḧa şems nibuwet
yawa we ḧera burc řêsalet
bałaş bî be cay ḧêlim û sitayş
we xatem xel’et dirya arayş
ce lutif bê çûn padşay bê bak
ferqiş fayz bî be tac «lulakErebî»
derûn pakiş çûn ayêney saf
menmana dinya ce qaf ta we qaf
weḧiş û tyûr û xak û herd û berd
yekser gişt çenîş giftugû mekerd
şîrîn ḧeya û ḧêlim şîrîn dwa û deng
şîrîn xulq û xo şîrîn şêwe û řeng
mewlay řûbarî xasiş fermawan
çûn bar bê’set be ḧezret yawan
eger mu’cêzeş nebya çoterî
cemałş wes bê pey pêẍemberî
êbtêday dinya ta we řoy meḧşer
cumley musennêf, wasêfan yekser
gişt we tesnîfat ta we řoy merden
kes wesif ḧezret temam nekerden
ẍeyr ce xuđawend wesif ew zanan
ce kelam wêş mediḧ ew wanan
wesfiş ce siḧûf kerden pey adem
pey şîs û îdrîs daym, dema dem
pey musay kelîm daym ce tewrat
çend kerden senay xwacey ka’ênat
pey nûḧ nebî dîsan hem pey hûd
wesfiş ce zebûr kerden pey dawud
çend ca ce êncîl ewsaf xatem
xuđa kerden pey ’îsa bin meryem
sî cizmey qur’an kerd we xełatiş
yekser êşaren ce mu’cêzatiş
eẍłeb řimûzat toy pişt perden
xuđa ḧêkayet pey ḧezret kerden
we miqdar erz, berzî semawat
we dîdar pak muḧemmed sełwat