dir byan minciman mirbut û tiswîr ançih tal’ an miḧbub laymut
Li pirtûka:
Rewzetul Sefa
Berhema:
Mîrza Ebdilqadirê Paweyî (1850-1910)
3 Xulek
396 Dîtin
«’ibdalimtilb» yek řo bê endêş
muneccîman gişt berd we ḧucrey wêş
pey zêkir teswîr xaney burûcat
zayndey tal’ xwacey ka’ênat
kewkeb şumaran kerdişan ḧesab
dił dan we nicûm zîc we usturlab
êsim muḧemmed çenî mewlûdiş
bext humayûn bînay wicûdiş
her çwar çenî çwar burc se’îd
şems û qemer û burceyn nahîd
midran muttefîq her heşt ce yek taq
ce xaney mîzan pey seyr afaq
çûn ehil řyaz tesnîf terqîm
danay deqayq gûyendey teqwîm
ce dimay teḧqîq mes’eley muşkił
tesdîq kullî kerdişan ḧasił
watşan tal’ ew tifił serwer
temam ferxunden, berzen, munewwer
çûnke ce bîstem derecey cudî
êttêfaq kewten necim eḧmedî
dîn qeyumş ce no ’ayêden
«yumaً qîwmaًErebî» ce tezaywiden
mertebey ’alîş xeylê ’ezîmen
ta řoy qyamet her musteqîmen
nîşaney se’îd ew nîkû exter
tal’iş mîzan mewlûdiş qemer
be delîl şems zuhre û ’etard
her sê çûn we burc ’eqreb bîn ward
zayçey tal’ humayûn ew
çûn bedir kamił direxşan ce şew
me’lûm bî tal’ ew şay tînet pak
muxateb be deng xetab lewlak
kewkeb şumaran danendey exbar
«’ibdalimtilb» kerdin xeberdar
watşan ferzend ercumend to
ferman fermay dewr dehir dûn mebo
ce lutif bê çûn zat êlahî
řefêqiş nyen ce me ta mahî
fełek nerdeban, melek bendeşen
şehnişahan gişt ser efkendeşen
ehil cin û êns mexlûqat yek ser
wiḧûş û tyûr cumley zî beşer
gişt meḧkûm ḧukim kes nedarşen
mutî’ ayîn ber qerarşen
her kes ce ferman emir ew serwer
ce bed bextî wêş pa binyo ne wer
nekero ḧełqey ẍułamîş ne goş
ce fermûdey ew bibo feramoş
be têẍ qehirş seringûn mebo
erwaş we dûzex tûna tûn mebo
ce baba adem ta ’îsay meryem
enbyahan gişt temam û sercem
be seng qeza û tirazûy qeder
ewan gişt cew ser muḧemmed cey ser
wextê kêşaşan nek beranber bî
muḧemmed ce gişt beł giranter bî
ce dayrey çerx mîzan kewkeb
dinya û mafîha ’ecem ta ’ereb
wey tewr ce lay ḧeq aferîd byen
kes ce muḧemmed bałater nyen
ḧeq meḧbûbê ter çûn ḧebîb wêş
xêlqet nekerden bînay bê endêş
derûnş deryay beḧir ’emmanen
yeqîn pêẍember axir zemanen
«’ibdalimtilb» sucdey şukirş berd
ehil kewakêb yek yek xel’et kerd
cew dima xêza dił weş, bê wêne
ta şî we menził qesir amîne
ḧezret sitana gêrtiş ne bawoş
wêney destey guł bo nya we boş
giftugoy wêş û exbar kewkeb
beyan kerd perê amîney weheb
watiş î ferzend xeylê pesenden
temam mukeřřem se’adet menden
menmaneş we xełq ce řozgaran
ḧêfziş ker ce tîr dîdey beđkaran
şewan ta we řo ẍafił nebî lêş
newa zeḧmetê naga yawo pêş
«’ibdalimtilb» xeylê bê wêne
kerdiş giftugo çenî amîne