ẍizil xwandin nikîsa az ziban şîrîn
Li pirtûka:
Şîrîn û Xusrew
Berhema:
Xanayê Qubadî (1704-1778)
2 Xulek
234 Dîtin
nîkîsa çengîy saz bo ’ebîrîn
ce qufił řomî, ce bax şîrîn
ce lefiz şîrîn şox diłpesend
horgirt çeng û ’ûd, bey tewr şîrîn jend
watiş: erê hey şay yosif leqa
ey dinya pey kes nedaro beqa
ecel nezaden, mirwet nedaro
pey însan ’umrîç firawan maro
eger ’aşiqî, er şehryarî
er şêr ẍuřřan, er şehsiwarî
axir be baẍçey dinyay bed aheng
mipêko çun xar ne damanit çeng
sa çun bey destûr dinya bê wefan
’ecûz řa cefit, şum piř cefan
bo ba cenî hem camê binoşîm
be yekda çun şîr şeker bicoşîm
arezûm êden er mibo ḧasił
şewê ya řoyî be diłwaz dił
çun şewboy behar be şaho kowe
bikerûn sewzey xetit we bowe
destey kakołit bigêrûn be dest
ta be řoy meḧşer ce boş bibûn mest
piştan bûn we bejin bałay tûł ney
şew wêney lawlaw pay nemam ney
peyapey peywest çun saqî sade
binoşûn ce le’il meygûnit bade
wextê bey destûr bałat kirdim seyr
er beyo ecel wes ama be xeyr
xas weşen wextê werter ce merden
carê des tom bişo ne gerden
çun lewlaw demê peştanş mest mest
bigêrûn meman mêxek boş ne dest
ce řay dostidarîy zerîf newazîş
dił şad mekerî be pencebazîş
minoşî çenî her şew ta be řo
badey nazenîn ’etir nergis bo
mitersûn bimrûn bey arezowe
nekerûn sewzey xetit we bowe
er bignîm be des sewgend be gêsûm
mewaçe, xusrew, min keyxusrew xûm
be ḧełqey zułfan bo ’ebîrewe
mikerût pey wêm be zincîrewe
mer peym hornegnî řołekey xoş tor
şew piştan wêm bikerut be zor
bełê kon ew bext xuda bido pêm
řwê byawun be mirad wêm
xusrew ta şineft ey şî’ir dêrîn
kefit ne derûnş ahîr şîrîn
nała wêney ney, çefit bî wêney çeng
řêza ce nergis esir lale řeng
ne baẍçey derûn zewq aware kerd
yexey wêş çun guł pare pare kerd
nîkîsa bey nezim nadîrey nayab
kizeş da ne cerg çun kizey keb