’irusî kirdin xisru şikir asfihanî ra
Li pirtûka:
Şîrîn û Xusrew
Berhema:
Xanayê Qubadî (1704-1778)
1 Xulek
405 Dîtin
wextê řexşan bî ce mîsbaḧ xor
mîşkat şîrîn şox sub seḧer
şehryar be tac deyhîm şahî
weş demax ce lay şeker bî řahî
bizurgan şar esfehan yekser
tełeb kerd ce bab adab şeker
ce ḧuzûr şa daşan gewahî
be pak damenîy ew şem’ şahî
şa te’eccub mend şîrînîy şeker
cey çendîn meges çon şyen we ber
axir be şeker şox ’enberîn
kerdiş yagey wêş be qesir şîrîn
řahîban be řesim adab ewca
wendişan sîẍey nîkaḧiş pey şa
şa wêney nesîm ta peneş yawa
ẍunçey neşkifteş derlad şikawa
dîş ce bekaret ew şox diłdar
destimał řengîn kerd çun laley wehar
firê meḧfûz bî ew wala gewher
wat řût sifîd bo, aferîn şeker
axir be dewłet şay dara neberd
xêza cesfehan murace’et ked
be feřiř meqedem şeker, cîhandar
mişkoy wêş çun mîsir kerdiş şekerbar
şa îradeş bî ber kero ce ser
şîrînîy şîrîn be şêwey şeker
xo herçend mama şîrîn be şeker
şîrînter mibî ce laş zyater