riftin şapur be’qib firhad û awirdin aw ra bih nizd şîrîn armin
Li pirtûka:
Şîrîn û Xusrew
Berhema:
Xanayê Qubadî (1704-1778)
4 Xulek
523 Dîtin
çun ’erûs řo ce bend şew řest
ayney řexşan xurşîd girt be dest
şapûr be řuxset ew şay perîzad
horêza be cext, peyda kerd ferhad
xo bew tewr zana ferhad bê dił
ne dewran mibo miradiş ḧasił
nezanaş gerdûn dûr ce řay beynet
arasteş kerden pey siza û meynet
axir şapûr wat nermê be koken
zerûren be to şazadey ermen
çenî qułinge û têşey seng taşît
gonya û tenaf řeng neqqaşît
bişîm we pay text xurşîd sayey ew
bargey ferqed qedir, perwîn payey ew
ferhad «ḧisb alamirErebî» şapûr nexiş bend
horêza çun seru sehî dił pesend
çenî şapûr şî subukter ce bad
we pay zeřřîn text şîrîn bi dił şad
midra we pay text e’lay xusrewî
be ten wêne yîl, be bazû qewî
be şiko çun şa, be şewket çun şêr
be berg çun bewr diřundey dilêr
ba qamet çun şax newxêz ’er’er
ba řuḧ çun xurşîd řexşindey xawer
cenab ’ulyay meryem astîn
şay şeker řazan řom û hînd û çîn
fermaş ta perê ferhad seng bo
nyaşa kursî tye nîşan duř
ne pişt perdey şîrîn ermen
ne bałay kursî nîşt çun tehemten
perî peyker sam ce pişt perdewe
ẍunçey leb çun guł wiław kerdewe
pey şeker řêzî ew şox diłber
hordaşt ce yaqût dû qufił gewher
be çend girîşme û çend ẍemze û çend naz
çun neẍmey bułbuł ama be awaz
şineftim ce lefiz ustad dêrîn
cew bon mwatin be şîrîn, şeyrîn
çun ḧełway şeker şîrîn bî řaziş
ah biker ne dem şoxîy awaziş
her kes awaziş bişnefta be goş
er eflatûn bo, ew mişî ce hoş
«alḧukim lilhErebî» ce řêzey řaziş
«ne’uz byalilhErebî» ce ẍemze û naziş
wextê be ferhad bêçarey koken
yawa řêzey řaz şîrîn ermen
kêşa ne derûn ah sitemnak
der sat çun mesrû’ xiłtya ne xak
kefit ne řûy zemîn be wêney zamdar
pêçya û pêç werd çun kiłafey mar
şîrîn şeş dang zułf deste zencîr
meman şemamey weşboy bo ’ebîr
zana ke ferhad ce řêzey řaziş
be meḧiz şoxîy neẍmey awaziş
bêxud xiłtya ne xak sara
suday tîr ’eşq celaş wiyara
xeylê xeyał kerd ce bê qerarîş
be řengê henî kerdiş diłdarîş
îmcar wat bişnew hey merd ustad
bo ce řay dostî xatirim ker şad
ençît zerûren min miderûm pêt
be çabuk destîy ustad karîy wêt
new’ê ker beyo, ustad dêrîn
şîr be wêş daym be qesir şîrîn
pey çêş ke daym şîrim zerûren
kelle dû firsex ce qesirim dûren
mibo cey emre newî xatir teng
pey min bikêşî to coyê ne seng
wextê bidoşan gelle be dewan
new coda zerîf şîr bibo řewan
ta ce yumin to be bê derdî ser
binoşim ew şîr xoş çenî şeker
cey řiz şîrîn şîrîn ermen
medhoş bî yeksan ferhad koken
ẍerez ew mîskîn bêçarey dił řêş
ce ’eşq şîrîn karê ama pêş
çiman ke ce dûr mişneft awaziş
hîç nimefama mefhûm řaziş
emma pey xatir ew berguzîde
enguştiş nya we ban dîde
der dem der sa’et horêza ce laş
horgirt qułinge û têşey seng tiraş
dîsan hem persaş ce peristaran
watiş min mestim beş xuda yaran
çêş ferma şîrîn nîm be fam wêm
bikerdê ce no xatir nîşan pêm
perêş ew yaran zułf bo ’ebîrîn
kerdişan ce no fermûdey şîrîn