bih him risîdin xisru û şîrîn dir şikargah û aşfitih him girdîdin
Li pirtûka:
Şîrîn û Xusrew
Berhema:
Xanayê Qubadî (1704-1778)
3 Xulek
339 Dîtin
saqîy ey badey bezim beheşt bêz
bey tewr suraḧîy zeřřîn kerd leb řêz
ew řo ke xusrew be muẍan yawa
şîrîn çun ḧurîy «cenّeة alme’ewîٰErebî»
çenî supa û san sya kemendan
toq toq ce yaran, pol pol ce řendan
ne saray muẍan şerab mwerdin
mest mest û şox şox şikar mikerdin
ce naga xusrew danay xas xeyał
yawa be şîrîn sewł sosen xał
herdu çun sûret neqşikendey seng
midyan be hemda bê seyda û bê deng
xusrew çun şabaz şeş dang şahî
şîrîn wêney sewł řiştey îlahî
xusrew çun xurşîd direxşindey nûr
şîrîn çun tersay şêx sen’anî
yekê ce yekê şox û şengiter bîn
herdu padşay saḧêb efser bîn
minmana ce dûr řuxsar perwêz
xet çun wenewşey guł baxçey newxêz
destey zułf lûl syay ’enberîn
mibexşa şoxî be şêwey şîrîn
şîrîn ce şoxî û şîrînîy xusrew
ce deste kakuł pexiş çînîy ew
zeřřê ’eqil û hoş pêş nemendebê
be banişda bûł banan şende bê
xusrew ce şêwey şîrîn piř şewq
milerza ce şax sehî ser û ce zewq
erwaş berdebê nîm nîgay naziş
şîrînîy endam şoxîy endaziş
ewan kerdişan temaşay yekter
’eqił û hoş fam berşîşan ce ser
axir herdûşan leb teşne û hîlak
ne pişt semend keftin ne řûy xak
satê wêney murẍ bîsmîl ne sara
xiłtyan ne xak be bê midara
cew dima ne xak xem ser horderden
be yekda zarî firawan kerdin
’aqbît yaran daney xał bedexiş
be dew perêşan ḧazir kerdin řexiş
swar bîn be řexiş ew herdu diłber
yekê wêney şems yekê çun qemer
wextî swar bîn şîrîn û xusrew
pey geşt gułzar řahî bîn be dew
yaran ḧeyran bîn ce yek řengîşan
ce şêwey şîrîn şox û şengîşan
qyas mikerdin ew newnemaman
şîrîn be bełqîs, xusrew suleyman
supay newhałan çenî çeng û def
ne dewr xusrew şîrîn bestin sef
şîrîn cew demda horkêşa ciłew
’erz kerd be cenab cem qedir xusrew
watiş fîdat bam şay ferîdûn feř
salar şahan tac û kemer zeř
cîhandar ceyş ḧîşmet penahan
tac û dihîhîm bexiş ferxunde şahan
çêş mibo be feř feřřux bar wêt
horgêrî ne xak peristar wêt
çendê çenî hem binîşmê be şad
be badey gułřeng xem bideyn we bad
xusrew wat hey sewł guł baxçey îrem
dewłetit zyad sayet nebo kem
be kêş herkesê ’alîcenaben
ẍerîbnewazî xeylê sewaben
’eyb nyen ce lutif řay serferazî
ẍerîbê çun min eger binwazî
şîrîn êd şineft ce lefiz xusrew
qasîdê kyast be dewan dew
ce feřiř teşrîf şay wala tebar
mehîn banû kerd dersat xeberdar
swar bî banû be dewan dew
ama we pêşwaz feřbexiş xusrew
ce dêbay nefîs karxaney fereng
kêşa pêşkeşiş be sed hezar řeng
awerdiş be qesir zeřnîgar wêş
nîşanaş be text çun şahan pêş
xusrew nîşt new text ałay ’ebîrîn
xatirşad be şewq dîdar şîrîn