nuştin namh bihram çubîn bih a’yan mida’in û tidbîr kirdin bih cihit ḧibis xisru û riftin xisru bih armin
Li pirtûka:
Şîrîn û Xusrew
Berhema:
Xanayê Qubadî (1704-1778)
2 Xulek
576 Dîtin
mustewfîy dîwan defterxaney ’eşq
ce bab perwêz bey tewr da sermeşq
«behram çobîn» ce şahîy xusrew
ta ke aga bî be dewan dew
be kaffey e’yan meda’în temam
mexfîy ce xisrew şay îḧtîşam
tełeb kerd wezîr mîşkîn xameyê
teḧrîr kerd bey tewr şerefnameyê
xusrew tîflêwen şûm kem şinext
nyen sizawar padşahî û text
be mewt hurimz xeylê kerd dił şad
’eşqibazen, řenden, hem kem ’edił û dad
her şahê çun ew meyl be bade bo
daym coyay cam saqîy sade bo
qutiłş wacben çun nyen qabił
pey çêş, be ayîn şahan ’adił
nimeyoş be dest memleket darî
sed firsex dûren ce şehryarî
ce laş yek camê şerab eḧmer
gîramî teren ce şahî û efser
mibexşo mułkê be seday sazê
nimebo be text şahî awazê
hêman ce sewday şîrîn daxşen
hêman ew hewa ne demaxşen
sełaḧ her êden ew şorêde bext
bikermê mebḧûs ta be çendê wext
şayed çun şêten pend pezîr bibo
řiştê peyda ker, pey wêş jîr bibo
ta min byawin çun mar ejder
bikerdê karê berneşo we ber
behram bî tedbîr şûm bed fercam
umeray ’îzam kaffey xas û ’am
yaxî kerd temam kîşwer be kîşwer
pey girtey xusrew bestişam kemer
xusrew dîş bey tewr bergeştegîy bext
des horgirt ce tac xusrewî û ce text
’aciz bî temam pey bêkesî wêş
’ezim fîrar kerd ew be xatir wêş
ce xof şimşêr behram xûnřêz
swar bî ne pişt semend şewdêz
be ca ast ewreng şahîy diłpesend
wêş ber kerd we ber be çend fêł û fend
nehîb da şewdêz nadîrey zeman
ta yawa be mułk azerbaycan
çoge hem ew şay aşfitey bê dił
be gułzar şox muẍan kerd menził
çoge hem satê nekerd midara
tey kerd be dewan keş û ko û sara
pey dîn şîrîn zułf deste sunbul
axir be wełgey ermen kerd menził