riftin xisru bih baẍ ba ẍilaman
Li pirtûka:
Şîrîn û Xusrew
Berhema:
Xanayê Qubadî (1704-1778)
5 Xulek
420 Dîtin
me’lûm bo ce lay suxen şikawan
zumrey me’nadan, zułf xyatey xawan
ne dêbaçey şox ey namey namî
bey destûr min dîm nezim «nîzamîKes»
ce qeza řwê xusrew dara
kefit ne xeyałş seyran sara
çenî çend ẍułam newřesîdey no
xet û xał şîrîn, zułfan ’enber bo
wêş muzeyyen kerd çenî řext zeř
swar bî we esp seng we yekda heř
şikar efgenan mişî we řawe
weşî wiyera be řûy dinyawe
nagah nezer kerd dîş ne ’ersey deşt
dîhkedeyê xas çun řewzey beheşt
ne çwar dewirş çeşme mida coş
hewaş mibexşa çun ’enber xiroş
ce mîrẍuzarê piř ce lale û guł
fermaş şehzadey bewr derya dił
çetir çîhreyê sera perde zeř
sitûn sîm saf ce dane û duř peř
hordan be sed naz çun xeymey wehar
wistin têşda ferş narincî û gułnar
xusrew nîşt têşda ewřo ta be şew
noşa badey nab wêney keyxusrew
çun nesîm zar subiḧ zeř nîgar
şołey şem’ nûr xor bî şikar
hem xusrew newca arast bîsatê
bîsat řengîn piř ce nîşatê
ce neẍmey sazan me’reke bazî
ce neş’ey şerab şîşey şîrazî
ce hey çîp hey çîp mey keşan mest
ce bişken bişken saqîy mey we dest
serşar bî yeksan xusrew lał poş
ta sub řewşen hîç nama we hoş
yek ẍułamê daşt şûm napesend
ce baẍê qedrê qorey engûr kend
esp wêş be dest ẍułamî siperd
kişt mezłûmê be temamê werd
şexsê horêza ce řay nadanî
’erz kerd we pay text hurimz nîhanî
wat: xusrew îmşew ce to netersa
ce řay bê bakî xeber nepersa
nya ne yaney derwêş dił teng
saz erẍenûn çenî saz çeng
espiş kiştizar musłimanan werd
ẍułamş qorey dîhqan be cewr berd
er zułmê wey tewr bêganan mikerd
şehenşa yaneş be ẍaret miberd
herçend ke xusrew berguzîdeşen
firzend ’ezîz nûr dîdeşen
bełê hey cem qeder fereydûnîşan
ye dûren ce ’edił newey newşîrwan
hurimz êd şineft derûnş coşa
ce řûy ’edił û dad xîşimş xiroşa
wat be serhengê ew şay hunerwer
her dû pay espiş biřî we xencer
řextiş çenî zîn, esbabiş temam
daşan be derwêş bêçarey sersam
cewdima be zerb pałey ferengî
meřdişan naxûn dest û pay cengî
ewřo ew cemşîd ce danşiwerî
ce řay ’edił û dad miskên perwerî
xefîf kerd bew tewr ew firzend wêş
aferîn newey newşîrwan pês
firzendê wêney xusrew ferzane
bikerîş we pend serkoney tane
ce lay selatîn sikender nejad
her bey tewr mibo řewyey ’edił û dad
me’lûm bo ce lay bizurgan dewr
herkes ’adił bo çun hurimz bey tewr
berguzîdey zat ḧeyî ekberen
meḧfûzen ce nar er sed kafren
«xanaNasnava edebî» bo, wesen zuban dirazî
kon ew saḧêb ’edił to pêş binazî
kota ker ey ḧerf be dawan dew
wîr der be firman diłgîr xusrew
neqşibed lewḧ şîrîn fisane
bey tewr kêşa neqiş şox û mestane
weqtê xusrew dî ce şa ey xwarî
şirû’ kerd be şîn zayełe û zarî
çunke xecił bî ew ce kirdey wêş
wat we bizurgan danay derya kêş
îstîd’am êden ce lay şehryar
’uzir ey bendey şûm şerimsar
bwazî, bêḧed giranen derdem
temam şerminde û ’asî û řeng zerdim
êd ke şineftiş wezîr e’zem
umeray ’îzam şay wala şyem
çenî gird e’yan cem’îyet kerdin
xusrew we pay text padşa berdin
ce dimay îzhar ’erz îltîmas
xusrew lał poş řagey ḧeqşinas
řû mała ce xak ce řû syahî
efşan kerd esrîn ce pay text şahî
watiş hey cemşîd ’etarîd şî’ar
buyer ce teqsîr bendey şermesar
herçend cey gunah řûm byen syah
umêdim êden ce ełtaf şah
min wêney tîflê şêt û dêwane
nekero we pend serkone tane
řasten sengyen min kogay gunam
axir ne firzend şay cem îḧtîşam
êd ke wat dîsan řû mała ne xak
xak kerd ce esrîn seraser nimnak
bizurgan dîşan xusrew be xwarî
ne pay text şa kerdişan zarî
şehenşa ke dîş bizurgan bey terz
ewîç pey xusrew fîraqiş bî berz
horêza be wêş horş girt ne xak
bosa řuxsarş be dîdey nimnak
fermaş firzendê ewend ’aqił bo
ewend ce kirdey wêş ew xecił bo
ferqiş sizay tac şehiryaryen
zatiş şaystey cîhandaryen
ewřo ce lay lutif şay wala meqam
perwêz lał poş saḧêb ’eqił û fam
be xełwet wêş horş girt berdiş
mumtaz be xel’et xusrewî kerdiş
be «ḧisb alirqimErebî» welî ’ehd wêş
«bîla te’elulErebî» der sa’et der pêş
me’lûm bo ce lay ’arfan dewr
dana bizurgan şîrîn terz û tewr
firzend sałḧ «qirة al’înErebî»en
seyqel jengar, ayney zeynen
er nasałḧ bo, «’aq waldînErebî»
qetiłş wacben, be gerdenim deyn