giftar dir ’ibur sirat
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
383 Dîtin
zumrey muxlîsîn new řagey deycûr
her kes be new’ê mekeran ’ubûr
be’zê wêney berq mekero guzer
be’zê wêney ře’d, be’zê çun xeter
be’zê ce sîrat be şadî û surûr
be «tirfة al’înErebî» mekeran ’ubûr
be’zê fîrqeşan, be bê waqî’at,
mekeran ’ubûr çun teyr ne sîrat
’ubûr sîrat ce be’zê kesan
çun esp tazî tek meken dewan
çun pyadey cełd be’zê ne guzar
’ubûr be’zê çun xestey bîmar
ehil dozexî meleẍzo paşan
nar ceḧîmen sizay xetaşan
ummet muznîb nebîy muxtar
ce qît’ey ewweł megêron qerar
wey tewr qeraren perê mu’mînan
be qeder guna ce nar mesozan
be’zê be sa’at, be’zê řoz û ma
be’zêşan be sał memano new ca
be’zêşan muddeş be qeřnen ḧîsab
be’zêşan be tûl dinya ne ’ezab
zumrey bê îman ce nar ceḧîm
«kilaًErebî» mu’ebbed, caşanen muqîm
sînf enbya, şuheda, xasan
mekeran ’ubûr, sef sef be asan
weqtê kafran meşin pey dozex
meyo yek nîda ne perdey berzex
newatim pêtan: ya benî adem
neken îta’ey şeytan załim
şeytan be êwe ’eduwen ...Teksta ne aşkira
biken ẍułamîm, êden řêgey řast
pey dozexîyan ce bab e’zem
meyo yek seda ya benî adem
newatim pêtan şeytan le’în
meken îta’eş ’eduwen mubîn?!
biken ẍułamîm êden řêgey řast
sizay nařastan zîndan û bełast