minacat mؤlif bih dirgah qazî alḧacat

Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
 3 Xulek  355 Dîtin
«ya ’izîm al’ifu ’imîm alaḧsanErebî»!
ya guneh amurz ’asî û muznîban!
ya xîlqet numay ’edem be zuhûr!
ya hîdayet bexiş ce zułmet be nûr!
ya arastey bezim ẍewẍay dû cîhan!
ya dehendey řizq bê sehu û nîsyan!
ya řeḧmet bê pey, me’delet pena!
’efum ker be lutif wêt ne her xeta
ne řûsyayî darûn xecałet
ẍerqim ne gerdab deryay zelalet
ẍeyr ce qapîy to nîyen penahim
sikem sifîden, sed řûsyahim
çun toy feryadřes be kê berûn dad
kê hen ẍeyr ce to «bisîr ali’badErebî»
nîran gunam dûdiş ne ’amen
’alem mu’terîf guna û xetamen
mer be lutif wêt setir key gunam
werne ce dareyn şermende û řîswam
yeqînen ce lay bendey piř tawan
qetren gunahim ce deryay ẍufran
tewfîq ’eta ker qedîm mutłeq
henî tewbe bo ce kirdey sebeq
’efum ker ya řeb, îḧsan ker tewfîq
«balkilErebî» sîfetim ce şeř ker tefrîq
şakîr ker qelbim be lutif û îḧsan
yeqîn qaym ker be nûr îman
zuban be esmay zatî zakîr ker
’eynim be řeḧmet wêt muntezîr ker
efkarim be yad senat mesrûr ker
qesdim be teḧsîl řezat me’mûr ker
be eltaf wêt zat sebûḧî
’eta ker bey ’ebid tewbey nesûḧî
’umirim be tewbe bawer be xîtam
îblîs be îman nebo şadkam
beşq muḧemmed şehenşay lewlak
qebûł key du’ay bendey bê îdrak
hem bider tewfîq ḧeyî layenam
bawerûn be nezim «’eqîdey îslam»
çun muddey ḧepsim yawa be sê sał
lazim kerd peyda kerûn îştîẍal
tesdîqen mefhûm ferman furqan
zelûm û cehûl ’ecûlen însan
bê karubar bîn însan ce dinya
be derd keder meban mubtela
hem meşẍûłîy nas nedaro zerer
bew şerit ḧezer ko ne umûr şeř
derwêşNasnava edebî ’eqîdey îslam ker beyan
nafî’en xeylê perê samî’an
ferzen ’eqîde ce ehil îslam
te’lîm ken şirût erkanş temam
her kes be sîdqiş bawero guman
eseḧḧeş êden mebo bê îman
penahim be ton zat muste’an
îstî’anem ker ce sehu û nîsyan
şukirim be eltaf ḧeyî «la yinamErebî»
hem ber muḧemmed «’ilîh alsilamErebî»