rimuzat ḧizirit liqman ’ilîh alsilam
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
3 Xulek
388 Dîtin
«ḧisb alaradihErebî»y şay «’izîm alşanErebî»
’ebid memlûk bî ḧezret luqman
yek řo malîkiş be luqman ferma
tuxim kuncî paş to ne fiłan ca
luqman horêza pey nîktesencî
tuxim cewş kaşt ne tenxiway kuncî
weqtiş ḧulûl kerd, seyîd luqman
pey geşt zer’iş lwa be seyran
yawa be mezre’ be dewan dew
dîş ne cay kuncî yek mezre’ey cew
watiş be luqman be lefiz feḧşa
min kuncîm waten, to cewt paşa
me’lûm bî ce to wey tewr xyanet
ha bît musteḧeq cezay îhanet
wey tewr da cewab ew saḧêb îrşad
ce weqit ḧasił, xermendey ḧesad
êden nyazim be tûl emel
«kulaًErebî» be kuncî mebo mubeddel
watiş be luqman ey ḧerf bê ca
mawerî be nutiq, nedarî ḧeya
key ne tuxim cew kuncî medo bar
key kuncî ne cew menmano esmar
cewdima luqman sitana firset
be malîk wêş wat hey bê mirwet
sadir bî ce min cuz’î xyanet
wey tewr nimanay kullî îhanet
hem teḧqîqit kird mezre’ey dinya
ne gendim gendim, ne cew cew peyda
emma nezanay fî’il dinyewî
meyo be ḧesad yewm uxrewî
to ne dinya bezir bedî mepaşî
be nêkîy uxra hem ne telaşî
luqman mewlay wêş be şehd guftar
nadîm kerd, ce xwab ẍefłet bî bêdar
ayza
seyîd luqman perê îmtîḧan
yek gusfendê siperd be luqman
watiş zîbḧiş ker derleḧze ney ca
keşif ker ce qubiḧ û eşref e’za
ce herdû yek şîş kebab ker biryan
bawere perêm te’cîl be dewan
luqman kerdiş zîbiḧ ḧeywan be çalak
derleḧze hem qelb û zubanş kerd pak
her dû da ne şîş kerdiş be kebab
berdiş pey mewla be te’cîl û tab
watiş ye çêşen? wat dił û zuban
watiş yanê çêş, wesfiş ker beyan
watiş herdûşan eşref e’zan
bew şerit salim ban ce emir cîhan
er zuban ne feḧiş, dił ne qesd bed
biken îctînab meḧfûzen cesed
eger ’ekis kar serda ce herdû
zelîl mebo kul e’za mû be mû
her ga wey tewren ce beyn e’za
dił û zubanen hem zuşt û zêba
mer êden ḧîkmet hey derwêş xam
to zelîl û xwar ce beyn ’ewam
cewdima mewlay luqman be dił şad
hem teḧsînş kerd, hem kerdiş azad
ayza
yek řo yek şexsê ne řûy ḧeqaret
be çîhrey luqman kerdiş îşaret
ew be feraset der leḧze zana
cewab da bew merd be danş û řa
wat er leb bizurg, nutqim barîken
qelbim řewşenen, er řûm tarîken
der leḧze ew merd nadîm bî ce kar
new saḧêb şu’ûr piř bî şermesar