giftar dir nisîḧit namey sîm kih ziban gihirbar ḧizirit liqman giftih ast
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
672 Dîtin
eşreful ḧekîm ḧukemay eyyam
luqmanen ce ’îlim, be derk û îfham
nîştebê ne text ḧezaqet pena
ḧazir bîn ne pay textiş xulefa
yek ce xulefay fehîm kardan
çend pend û ḧîkmet persa ce luqman
persa danater kê bo ce adem?
wat ce her asîb her kes bî bê ẍem
wat bułind hîmmet kîyen ce dinya?
wat ew kes kerd terk dinya pey ’uqba
persa ce dinya kê tewangeren?
wat ew kes ’eqiłş daym ne seren
persa kam tełxen uxraş şîrînen?
kam şîrînen esił uxraş tełxînen?
wat ewwełş sebir, duwem şîtaben
ce şîtab xaney ’alem xeraben
persa hen ’îllet cêş nebo şîfa
wat eḧmeqîyen ’îlley bê dewa
persa kam şerbet kuşo çeşnide?
kam ateş sozo her efroznide?
wat ḧesed naru, şehwet şerbeten
herdû pey beşer zehir ḧîrqeten
persa kam binya nimebo xerab?
wat ’edłen mano ta «yewm alḧisabErebî»
persa ce luqman ey saḧêb řîf’et
ce kê kerdî exiz to ’îlim û ḧîkmet?
wat kerdim dîqqet sînf cehele
be exiz ’eksiş kerdim ’ecele
hem persa edeb ce kêt kerd tekmîl?
wat ce bê edeb kerdenim teḧsîl
derwêşNasnava edebî temam bî wesyet sêyem
pey pend çarem zûd binyer qedem