dir sinay ḧizirit barî ﷻ gwîd

Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
 2 Xulek  609 Dîtin
kîbryay eqdes! kîbryay eqdes!
şehenşay kewneyn, kîbryay eqdes!
xarc xîttey mułk museddes
daxił ekwan her řetib û yabîs
mewcûdey ekwan qebzey qudretten
teḧrîkiş «balkilErebî» teḧit ḧîkmetten
’erş mu’ella, wîs’et kursî
lewḧ ce to meḧfûz firîştey qudsî
arastey sema, perdey ḧîcabat
mefreş numay erz, sebit nebatat
xarîc kunnidey şefeq ce zułmet
zułmet kunnidey şefeq ce qudret
merde ce zînde, zînde ce merde
xelqen ce beyzey qudret perwerde
îcad kunnidey nebat û şecer
cumley muxtelîf ce berg û semer
enwa’ tuyûr, weḧiş beḧir û beř
cînin û şeyatîn, firîşte û beşer
ce to tefrîqen sewt nutiq ’am
be her new’ luẍet er meden peyẍam
sergeştegîy çerx, surişk baran
řeqis nebatat, ře’d beharan
ḧerekey hewa, bê aramîy ab
sersextîy eḧcar, ḧelîmîy turab
ḧîrqet narî, serdîy zemherîr
neş’unumay cîsim, efkar zemîr
dewrey sitaran çerx mîhir û ma
me’rekey gêtî, mîzan ’uqba
cumle me’mûren be ferman to
be qeza û qeder, be îḧsan to
to esił û ’alem fer’ û sayey ton
yekser muḧeřřîk qîsim mayey ton
her zeman sîfat merbût zaten
hem zat menşe’ her mewcûdaten
pey pey ce sîfat peydan zuhûrat
pey pey qederen qeza û waqî’at
wesif sîfatit zař û nafî’en
îradet bê bak ce her manî’en
exiz û ’etay řoḧ, hem řizq ’alem
hem derd û dewa, sîḧḧet û seqem
yek yek ce qebzey yed besîten
zat ne îḧatey sîfat muḧîten
«feqêNasnava edebî» dîdey derk e’may zatşen
zuban bestey wesif her sîfatşen