wez’î zemane têk çuwe lem ’esreda
Li pirtûka:
Dîwanî Xadim
Berhema:
Xadim (1895-1953)
2 Xulek
715 Dîtin
wez’î ehlî em zemane hîç le cêgay xoy nîye
her çî eybînî le ’alem kirdewey başî nîye
terbyey mabeynî gewre û giçke şîrazey pisa
mesxerey mindałe herçî pîrî ḧefta sałeye
herçî eybînim le şêx û pîr û hem ḧacî û mela
bo teme’ hîçî leser adabî îşî xoy nîye
şêx ełê min wasîtey beynim etan geyenme xwa
xwa ezanê diro eka agay le mam şabî nîye
bote mîhney bo îdare tefrey ’alem bida
bem ser û mendîl û řîşe to ezanî sofîye
keşfî řîşî ger bikey to mexzenêkî pareye
hem le ’îlim û ḧîkmet û fenda serîşî xałîye
mam mela to boçî şer’î xot degořî bo teme’?
meḧkemey ’edil û nîkaḧî řasteqînet bo nîye?
to nîkaḧî tazecwanî bo legeł pîrê ekey
to be hawkufî ezanî lay xuda hawkuf nîye
dayk û bawkî bo teme’, toş bo teme’ fitwa edey
to su’alî lê bike, axo bizane řazîye
lazîme bo herçî ḧuřře yek su’alî lê bike
ew nîkaḧey to ke eykey carîye bo «carî»ye
tu xuda toş pêm biłê to boçî bê wîcdanî wa
pîrî ḧefta sałe bûkî ḧevdih sałet bo çîye?
ḧacî bo řêgey ḧełał toşey ḧeramî ḧazre
ferqî naka her ewende pêy biłên ew: ḧacîye
bo meke bem new’e eřwa pêy biłên qet wa meke
xwa le sîdqî dił ega, karî be ḧîley bo çîye?
’alîmî siřiř û ’eyane fêł le xwa qet nakirê
îş û kar û nîyetî pak meslekî însanîye