wesfî şarî suleymanî
Li pirtûka:
Dîwanî Xadim
Berhema:
Xadim (1895-1953)
3 Xulek
909 Dîtin
suleyman ḧeşmetî bo banîy şarî suleymanî
le ’îzzetda suleyman bû be ḧîkmet asefî sanî
’edałetperwer û cem cah û hem xawen şikohê bû
le zubdey ta’îfey kurd û sulaley alî babanî
be řeḧmet çû, lepaşî ew ẍerîqî beḧrî řeḧmet bê
le neslî ew gelê lem cêgeye kirdyan ḧukmiřanî
heway canbexşî em şare feřeḧbexşî diłî zare
’ebîr’amêze xakî berdî wek le’lî bedexşanî
nesîmî subḧî dê besed ’îşwe beser gułşen
eka siřî dehanî ẍunçe faş û ’etir efşanî
le e’cazî mesîḧa dem eda badî seḧergahî
lebo eḧyay mewta şahîdî ew hewrî nîsanî
ełêy sirwey le kuyî dulbera dêt û deçê herdem
le nafey zulfî meḧbûbane bonî ’etir efşanî
nimûney serçinarî çeşmey kewser ke me’lûme
eka teşkîlî cennet şêwey baẍ û gułistanî
çinar û serçinarî bes fereḧ efzay ẍemnakan
eka gułzarî ew ẍîret fizay baẍî řîzwanî
be xamey munşî’î qudret çe zîba neşqî nûsînî
le dewrey ḧaşyey baẍ û çemen bem xettî řeyḧanî
le ferşî sewzî gułşenya zumřiřed matemî dagirt
gułałey têkełî sewzî wekû yaqûtî řummanî
leser bergî guła şewnim muheyya bo tiłû’î řoj
çe řojî aftabî řoyî meḧbûbî suleymanî
le zulfî dulberan dedwê gułî sunbul be sed ḧesret
eda serwîş legeł qeddî cwanan lafî hawşanî
ebestin ḧełqeha wek ’eqdî perwîn cem’î mehřûyan
le her layê wekû cennet sifûfî ḧur û ẍîlmanî
le coşî giryeyî hewr û le xendey ẍunçeyî gułşen
ełêy me’şûqî bê řeḧme le giryey ’aşîqî fanî
le qetrey awî safî serçinarî çeşnî mirwarî
eka têr awî gułşen nonehałanî gułistanî
le neş’ey serçinar û jêrçinarî ’acîze teqrîr
nebû ḧasił le teḧrîra le wesfî ẍeyrî ḧeyranî
derudeştî beheşt ayînî wek deştî xeta waye
byaban ’etir efşane le nafey newẍezalanî
melaye gwêje mendîlî befrî nawete ser
sibûtî [zî cenaḧeynî], kemer sewzî beharanî
felek ḧeyranî çetrî erẍewanî girdî seywane
le ’eksî ew bû řengî damenî sûrî sibeynanî
ehalî herçî eybînî edîb û hem hunermendin
le ewsafî ḧemîde kamîln her ferdî însanî
edîb û şa’îrî zorin le ’esrî ewweł û axîr
kelam û şî’ryan qûtî řoḧe wek awî ḧeywanî
le cumley mazîya, çend zatî ’alî hîmmetê bûn
nehengî beḧrî ’îlim û ḧîkmet û meḧbûbî řebbanî
lemane ḧezretî me’rûfî nodêyî, le ewwełda
îtir «xîr alxilfErebî» kak eḧmedîş bû ew buwe sanî
le paşa xalîdî kurd û mela wesman û ewladî
sitarey asmanî ’îlmî batîn bûn be e’yanî
le katî «salimKes» û «kurdîKes» le meydanî cwanmerdî
řifandyan goy hunermendî le meydanî suxendanî
xîred ḧeyranî şî’rî «nalîKes» û «meḧwîKes» û «ḧemdîKes» bû
mela ḧemdûyî kwêrîş hate bezmî qafîye zanî
gelêkî tir hebûn şa’îr le ewwełda heta axîr
welî me’zûre xadîmNasnava edebî çunkî nayannasî nazanî