le dest řengiřêzî dewran, řengî çîhrem ze’feranêke
Li pirtûka:
Dîwanî Salim
Berhema:
Salim (1800-1866)
2 Xulek
618 Dîtin
le dest řengiřêzî dewran, řengî çîhrem ze’feranêke
ḧedîqey dił, leber baranî ẍem, wez’î xezanêke
le teb’î mahî gerdûn û buxarî beḧrî endûhim
meta’î sîneyî çakim wekû camey ketanêke
kemendarî felek, bo bextî min, seyyadî xûnřêje
le diłma xarî mîḧnetha yekayek wek sînanêke
be dił sozî felek, îtir erestû bê, dewam naka
qubûłî merhemî çon bê ke zexmî min nîhanêke
dił’azarim numayanin, behanem wez’î gerdûne
fîẍanî xom û dił, yaran! ledest pîr û cewanêke
cewan bûm ger le ẍem pîr û cewan, pîrîm çi nezdîke
ledest wesfî qumaryan, dad û şekwem dastanêke
qełem bû kîlkî katib, xudbexud meşẍułî nûsîne
le keşfî sîřřî mestûra ’ecayeb dûzubanêke?
lebatî şuẍił û tesbîḧ û numaz û sunnet û mescîd
le beḧsî nerd û as û gencefe, herdem beyanêke
le ẍewẍay bêne «dûşeş»yan, le her sû şeş cîhet piř bû
le dengî «more! ha dey, zû ke! ha» axirzemanêke
guşadî wa fiłan more meyêne, ba bidořênî
ḧerîf to bêne dey daşê, be tenha wa le xanêke
qiřanî beste, kew û biřnû biłê sa dey, ḧerîf zûke
çi sehle more ger bênî, le řêy pênc û syanêke
ḧerîfî newcewan esbabî pîrî çende herzan kird
nigîn û kewş û şane û xencerî řehnî qiřanêke!
ḧekîmîş wa le xizmet lotîya, coyaye bo bênî
le sefḧey gencefe û asa ḧekîmî lewḧexwanêke
le bîmî hey’etî řustem, wekû tûranîyan piř bîm
tełayedarî řeh «ḧacî ḧuseyn»yiş dîdebanêke
fiłanîş lewḧexwane wa le pehlûman, temaşa ke
leber teswîrî asa, neqşî lûtî tîreşanêke
wereq çend řewneqî safe, le ’eksî çîhre denwênê
le qît’ey qirimzî lûtî, dełêy pozey beranêke
yekî xist wa ḧekîm ewraq û lotî ẍafłe, yaran!
sê asî wa le mistaye, dû şahî piştîwanêke
kewa û areqçin û fêstî keçeł, qebła be no şayî
qeme û qemçî û esasî ḧerbî, kullen topî anêke