le zîndana ke bê hemderdim emřo
Li pirtûka:
Dîwanî Salim
Berhema:
Salim (1800-1866)
1 Xulek
658 Dîtin
le zîndana ke bê hemderdim emřo
esîrî nakes û diłberdim emřo
le darulḧuznî dûrîda, seba bû
geyandî nameyî hemferdim emřo
le pam ger bende der, waze le meylim
diłim late, zebûn û zerdim emřo
giley naḧeq meke, pirsî diłim ke
eger bê meyle, min namerdim emřo
be sirwey fênkî badî şemałit
buwe hawîn le ahî serdim emřo
xoşa ger to le perwazî wekû mel
emin pabendî bendîy ferdim emřo
egerçî bulbulî ser xarî hîcirim
temennay ’etrî ’eynî werdim emřo
qerîḧey şî’rekey pêşûm nemawe
ewend xeste û derûn piř derdim emřo
bedił destî du’ay berze ke «salimNasnava edebî»
berew şemsî cemalit gerdim emřo