be şêwey luř

kontirîn şa’îrî kurd, ke êsta komełe şî’rêkî ewtoyman leberdesta bêt, ke nawî «kontirîn»y pê bibexşê, ewe babe tayerî ’uryanî hemedanîye ke dû sałî 935 û 1010y m. be sałî ledaykibûn û koçî zanrawe.

şî’rekanî babe tayer be dyalêktî luřîy kurdîye, we leber ewey mêjûy edebyatman lew kontir naw û berhemî şa’îrî tirî tomar nekirduwe, boye ebê ewe biselmênîn ke dyalêktî luřî yekem dyalêktî kurdîye ke pelî bo ewe hawîştibê ke bibête zimanî yekgirtûy edebyat le kurdistanda.

şî’rî babe tayer û bekurdî-nûsînî ew serdeme le koşşî gelanî tirî musułman cya nakirêtewe ke paş peydabûnî mîrinşînan û emanî dewłetî yekgirtûy musłiman hewłî eweyan da ke zimane konekey xoyan bikenewe be zimanî edebyat û be zimanî řesmîy nûsîn û karubar.

herwek peydabûnî şa’îrêkî kurd le nawçey hemedana le zirûfî mêjûyîy katî xoy û peydabûn û nemanî mîrinşînî luřistan cya nakirêtewe.