sereta

lem řojaneda û beboney derçûnî yasay ekadîmyay zanistîy kurdîyewe, le zor şwên û tenanet be nûsînîş, basî zimanî kurdî û dyalêkit (lihcة)kanî û zimanî yekgirtû û zimanî edebîy yekgirtû hatote nawewe.

zor kes hewłî ewe edat le sinûrî zanînî xoyda, şitêk lew bareyewe biłê, ya binûsê: bełam ewey cêgey daxe eweye ke zor kes bebê ewey hest be mes’ûlyetî dwařoj biken, ya bê ewey tozêkîş serusîmay swarî em meydaneyan hebê, espî xoyan be arezûy diłî xoyan taw eden û nexşey dwařoj bo zimanî kurdî û bo şitêk ke behełe naw nirawe yekgirtinî zimanî kurdî ekêşin û řenge le barêkî wiłatîşda ke (terazû)y řasteqîney zanist cêgey xoy negirtibê, qisey emane bixiwat û řawêj û nexşeyan tozê kosp bixate řêgey ew berewpêşçûney zimanekeman ke wek mêjû xoy řêgey berew pêşewe her ebřê û řoł (dewr)y xełkîş ya pałpêwenanî ew berewpêşçûneye, ya kosp le řêgeya danane, bełam bê ewey bitwanin řaygirin ya leserencama berew dwawey berin.

em base encam û berhemî be dway řastî û zanistîya geřanî em meydaneye. zanistêkîş ke sûdî jyanî gelî tya bê birîtîye le dû bineřet: tyorî (nizrîة) û piraktîk (titbîq).

lem meydaneşa tyorîyeke nûsînî zanayan û řay şarezayane ke le wiłatanî pêşkewtûda encamî çend sed sałey koşşî ’îlmîye.

piraktîkekeş birîtîye le bînînî zemînî peydabûnî ew tyorîye ke gelanî zîndûn û bîstinî qise û bas û xwêndinewey edebyatyane.

em germuguřîyey lêdwan û lesernûsînî baseke û şwênî biławkirdineweşî buwe hoy ewey em base lem formey êstayda biław keynewe. em witare le barya heye le dwařojda bibête binaẍey lêkołîneweyekî ’îlmîy firawan û gelê bełgey le řay zanayan bixrête pał, bełam eme hîç le naweřok û encamî baseke xoy nagořê.