çerx her ew çerxen ta awerd û berd
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
1621 Dîtin
çerx her ew çerxen ta awerd û berd
des ew des nigîn ta xatem awerd
da bezmî xusrew şîrîn we hemda
cam da we ser cem, cem we ser cemda
şoretnamey nam ḧatemş kerd tey
kerd wekasekel kasey keley key
saqî, gerdî ard yaranî hamferd
midom ne demax asyay çepgerd
seday asyawçî meyo peyapey
asaw xałîyen newbeten sa dey
her katêt zana çerxê werdewe
çun yaran daney êmeyç heřdewe
ne her serdeştê kiştê kiryabo
we coy çemey çem aw nedryabo
neyawabo xas daneş bew awe
layq nîn berdêş bew asyawe
fîdat bûn aman sa hurker ba bey
we ser kiştimda peypey cew coy mey
er sed kiştekem axir karşen
heftekey axir new weharşen
bełam beł teł teł keşêwe kero
cey axrewe danawê wero
ḧeyfen to mîraw sercoy bade bî
we her kes be qed kefaf dade bî
min kiştim řûzerd hamferdanş bo
danem řû syay hamderdanş bo