tirsinokî dujmin
demeteqêy «n» û «s»
Li pirtûka:
Paşmergey Qani’
Berhema:
Qani (1898-1965)
2 Xulek
732 Dîtin
lebarey cûłanewey azadîxwazaney gelî kurdewe le kurdistanî êranda
s:
paşa merḧeba! çone eḧwałit!?
çone tegbîr û pîlanî sałit!?
boçî ’aczî? bo doş damawî!?
xerîk pîlanî kam lêqewmawî!?
n:
efendim qurban, lêman qewmawe
le řût bedûr bê, ḧałman şêwawe
’ebdî herdûkman kurdî serşêwaw
nawî azadî exene naw naw
kê bê ḧacetî małman bişorê!?
sed sał derîkeyn, ew her netorê!
be naneskî karekerman bê
be şew û be řoj bareberman bê
s:
paşa metirse! to leserxo be
taze nwêneryan çote badkobe
nwênerî kurdan xan û aẍaye
basî azadîy la ka û baye
kurd heta aẍa û xanî tya mabê
xatirit cem bê ke be hîç nabê
n:
hey quř be serman, kurd wa enasî
wam zanî ziringî, keçî zor kasî
heta hejarê eçête meydan
hezaran aẍa ebê be qurban
s:
bîrî pê mede, paşa metirse
azadîy kurdan le min bipirse
ewen bizane kakî îstî’mar
xoy xiste nawyan be çar û naçar
biřbiřî kirdin her yek le layê
her yeke bo xoy bû be kwêxayê
ta mame îngilîz, mamî xoman bê
tirist ne le kurd, ne le goran bê
n:
efendim êste kurdit nedîwe
kurdan îngilîzyan zor baş nasîwe
qisey kapîtan legeł weřey dêł
hîç ferqî nîye le dêhat û xêł
sed sał sîr bixiwa, yan zuřna lêda
kes gwêy nadatê le şar û dêda