mîrzam çemenan
Li pirtûka:
Dîwanî Seyd Yaqoy Mayîdeşt
Berhema:
Seyd Yaqoy Mayîdeşt (1808-1881)
1 Xulek
624 Dîtin
mîrzam çemenan ...
sîzdey sał nû, seyr çemenan
turkyan terk, nazk bedenan
xanim xatûnan, gîsû kemenan
melek meḧbûban, ḧûrî ḧûryan
sewłî qametan, ten bilûryan
termey zeřbefit pûş, pêçekełafan
banû begzade, nwîrî serafan
etłes û mexmeł, kełafî zaxan
pûşan perê seyr gêłgeşt baxan
řeng besî řengîn, ser ta we daman
cemen ne serawser çişmey xanan
camey ew etłes, taftey zeřîn bû
pûşan perê seyr sîzdey sał nû
newbehar we keyf demaxşan bî
îradey gêłgeşt çar baxşan bî
’eqeb ’eqeb bî, paşûpaşû bî
sertaser zemîn, çwî dîbay nû bî
biřê biřê bî, biřobřo bî
herkes niga kerd, dił ne girew bî
seyr serçişmey serawan kerden
êware wextê gişt teşrîf berden
xanman lwan we maway wêşan
her sey yaqûNasnava edebî men perê awkêşan