qesîdey beharîye
Li pirtûka:
Dîwanî Seyd Yaqoy Mayîdeşt
Berhema:
Seyd Yaqoy Mayîdeşt (1808-1881)
3 Xulek
886 Dîtin
beyn û şadî û destidaran hem je sun’ dawerî
şabehar ama jeno feřş zemîn kerd exzerî
ẍuřş ebir beharî je asman xêza ej no
hem cehan pîr burna bî je bad serserî
cin û êns û weḧiş û teyr û xar û xes û ko û keş
keleşan mes bî le boy nobehar ’enberî
xêzyan pey seyd ẍazan kerkesan perwaz wazan
řêznan řazan be neqiş lewḧ çerx çenberî
way şemał şeq şeq şeka wa text yex bend çemen
çûn emîrułłimumnîn ne ceng fetiḧ xeyberî
tuẍrul û ’enqa wela çîn, waşe û şahîn şox
pey tefeřuḧ peř gişude ta we şems xawerî
hudhud witawus û qumrî, murẍ baẍ kosar
heryekê řazê binaz neẍmey saz diłberî
fûc bulbul cem’ kewkan ey ne baẍ û ew ne ko
ey çehçehe ew we qehqehesenc řay sencerî
qîřey ser soz û bor çîyen şew le koławan zaf
leqleqan niqare çîyen lem bam qesir qeyserî
qarey ẍaz û qułengan goş kerdûn kerde keř
hem jeno piř bî serawan lem butłan çûn pêrê
muxteser mecmû’ teyran deste deste fûc fûc
ga we baxan, ga we daxan, ga we şax ’er’erî
leşker newroz û guł pêş xwandar her gułan
xeymey peykalim byaban çûn sed eskenderî
guł şeqayq cuẍdi’asa kunc dîwaran dinc
kasey te asûdî piř kerdine ḧewz kewserî
boy řoḧ efzay şewbo lem nisar kosar
bo medê herdem lebo le maderan maderî
zenbeq û xeşxaş û řeyḧan, guł ḧena û şest piř
guł eşed bo kasnî, nîlûferî û ce’ferî
guł benefşe, guł qerenful, guł gułab û erẍewan
deste deste cem’ beste eḧmerî û exzerî
sewzezar û merẍizar û deşt û bam û beḧir bi beř
deste deste xeyme beste sef çû san ’eskerî
erẍewan û nergis û nesrîn û yas û yasemîn
sûsen û lewla û lîl û lałehay eḧmerî
kac û şimşad û sinewber, ’er’er û seru sehî
serfirazan qed kişîde ta we çerx dawerî
cumłey xełq e’la û edna, mest û meẍrûr behar
heryekê çengê we çeng amadey xunyagerî
fesił ’eyş û fesił noş û dił ne coş û ẍem xemoş
badenoş û des ne doş mahřûyan perî
fesił saz û fesił naz û fesił ẍemze fesił řaz
bûsesazî, ’işwebazî, serfirazîy yawerî
fesił guł fesił řeyaḧîn, fesił sunbul, fesił ’işq
em behar lałezar û em şeraw kewserî
newcewanan bulbul asa seyd ’işq gułřuxan
gułřuxan meşẍûl xodsazî û naz û diłberî
muxteser hersê mewalîd çwar’unsur cem’ hem
xîzya lem qełb şan bang neway ḧeyderî
seyîd bêçare ne ’eyş û ne noş û diłpeşêw
muzter efsurde û ẍemnak dest bê zerî
dîm xeyał ama seyîd, to boçe ẍemnakî û ḧirîn
řû bike lem barega ’edil xan kełhuřî
misił zeynułłi’abdînxan xoş liqaw û nîk tebi’
kes nedî lem sayey gerdûn çerx exzerî
ger bika dest sixawet řû be mesa’il weqit wicûd
sed wekî ḧatem le derga ya îbin bû çakirî
asif bin berxya je ew ḧikmet bûzer cemher
derber ’eqił û kemałî her çû tifił esẍerî
hem je ’edil û hem şuca’et çakir dergahşen
sed wek newşîrewan û sed çû tûs newzerî