duşwaren perêş, dił giriftaren
Li pirtûka:
Dîwanî Seyd Yaqoy Mayîdeşt
Berhema:
Seyd Yaqoy Mayîdeşt (1808-1881)
3 Xulek
502 Dîtin
qemer’izaren ...
şîrîn şox û şeng qemer’îzaren
zułfiş asûden, deycûr taren
kirjen çîn çînen ḧełqey zinaren
lûlen, melûlen, zencîren, maren
duşwaren perêş, dił giriftaren
ḧacb xem çûn taq mîḧrab ḧacat
berêkî sûfî ne řay munacat
ga wêney hîlal ne řûy semawat
yaqûs quziḧ hezar ’elamat
kemanş pêkan, çemş teyaren
duşwaren perêş, dił giriftaren
’eyn ’eyn xezał, çerîdey tetar
pey min muqîmen pey teref xumar
eswed û îsfîl, hem leyl û nehar
daym çûn seyad amadey şikar
nîm nîgay naziş daym ne karen
duşwaren perêş, dił giriftaren
xedengan ne dewr dû dîdey xumar
semwerdey sê kwîz ełmas awdar
sengipaç û dewrkiş sewhanîy xardar
sefbesten ne dewr turkan xûnxiwar
xûnwerdey dîdey îsfendyaren
duşwaren perêş, dił giriftaren
bînî çûn qamet qudret kişîde
beyn û ḧîcab mabeyn dîde
çûn şem’ meclîs xusrewan çîde
qetrey gudaxteş her an çikîde
çûn şewnim ne řûy xunçey beharen
duşwaren perêş, dił giriftaren
’arz direxşan çûn qurs qemer
ya sîb xwansar esîl û eḧmer
gaga surme dey çûn suhay seḧer
mederexşo be terz xorşîd xawer
girdîy gułnarîş sêf xûnsaren
duşwaren perêş, dił giriftaren
ḧuqey mem ḧełqey mîm qur’anî
ya çeşmey kewser sefḧey řezwanî
goy zinciş fincan bezim kyanî
lebřêz ne şerbet dîr muẍanî
’eqîq řûpoş řûyeş murwaren
duşwaren perêş, dił giriftaren
gerden seraḧî lebřêzen je mey
cur’eş mekero mirdey mezar ḧey
ne sedir sîneş awêzen dû bey
heryek pinhanen neser ḧełqey ḧey
beyze faxten dugmeş gułnaren
duşwaren perêş, dił giriftaren
we bała serwen, sewłen, ’er’eren
naf mişk xetin ’etren ’enberen
surîn selc saf fexiz mermeren
řûy selciş cay sum çerîdey beřen
afrîdey sun’ perwerdigaren
duşwaren perêş, dił giriftaren
ya ḧeq bêçarey zułfanş řeş bû
ew şekerkelam xoşxełq û xoşxû
perê teselay qełb sey yaqûNasnava edebî
nigehdarîş keřarî heyahû
şexsê ke weytewr çenîş teyaren
duşwaren perêş, dił giriftaren