şew

From the Book:
Dîwanî Şêx Nûrî
By:
Shekh Nouri Shekh Salih (1896-1958)
 1 minutes  831 views
xot biparêze le ahî dił birîndaranî şew
nek xuda nakerde gîra bê, du’ay nałanî şew
yawer û yar û enîsim, ah û eşkî ḧesrete
aferîn ey barekełła, dîdeyî giryanî şew
eşkî ḧesret, lazmî cem’î syeh bextane her
şewnimî subḧe, delîlî qetreyî mujganî şew
herke řûy toy dî, îradey bey’etî kird aftab
tuřeyî muşkînî tazey kirdewe îmanî şew
xet egerçî hêrşî hênawete ser řûmetit
ḧazre em řoje derçê, bo şiksitî şanî şew
dił ebête qetreyê xwên û le dîdem ser eka
herke řabûrê bedłima suḧbetî caranî şew
muntehay em zułmetî hîcrane, řojî wesił ebê
axrî nûrî şefeq eřjê le her damanî şew
«nûrîPen name» lem pêç û xemî zułfe necatit zeḧmete
lay sextî teb’an meḧałe, řuxsetî mîwanî şew