nîsan
From the Book:
Dîwanî Şêx Nûrî
By:
Shekh Nouri Shekh Salih (1896-1958)
1 minutes
949 views
gułê bekirdinewe newsiruşte, mexlûqê
qełem be destewe, amade, bendeyî firman
misewrê ke le darulfinûnî qudretî ḧeq
be firtî ’îlmewe me’zûne bo tezîynî cîhan
seḧa’fî hemeřengî cîhanî bedestewe, wa
xerîkî řesme, feqet řesmî ’alemî îmkan
eger seḧayfî teswîrekey, temaşa key
piře le ḧîkmetî eḧkamî sin’etî yezdan
le duř û lu’lu’î baranî řoḧ bexşî ewa
çinar û yasemen û seru û ’er’erî bustan
be hatuçoyî nesîmî, be neş’e dên û eçin
mîsalî řoḧî mucesem, le xoşya řeqsan
ḧeqîqeten eme hengamey tecedude wa
ke teyr û tûrî sema, cumle şad û xendefşan
be pêkenînewe tebşîr eken, ke řoḧî behar
le neş’edaye, ewa hat be meqdemî nîsan