silêmanî
From the Book:
Dîwanî Şêx Nûrî
By:
Shekh Nouri Shekh Salih (1896-1958)
1 minutes
1263 views
silêmanî çi xoşe newbeharan
be lence û larewe dên guł’uzaran
be çawêkî le şerma kem hełatû
epçiřênin henawî dił fîgaran
çemen kewtote xende û min be giryan
enałênim wekû hewrî beharan
cewananî çemen hatûne lence
be awazî cigersozî huzaran
direxşane, birûskey şew le şewqa
wekû ahî diłî şew zindedaran
be sirwey bay seḧer arayşî da
’uzarî guł, weku řûy guł’uzaran
gułałe bang kira, bo sûř û şayî
be taray sûrewe, řeqsan û řexşan
birîqey pûlekey, desmałî lamil
wekû encum, le dewrî mahî taban
şiney bay subḧidem arayşî da
’uzarî guł wekû řûy guł’uzaran
direxşane birûskey hewrî emřo
wekû ahî diłî şew zindedaran
be berdî em behare zor etirsim
ke bişkê camî tobey tobekaran
řişêney řoḧ, epřijênê be diłda
qirîwe û pêkenînî, poyledaran
be terzey em behare zor etirsim
ke bişkê camî tobey tobekaran
mełên «nûrîPen name» le êş û swêy birînî
le bîrî çotewe, ahengî caran