řutbey ’ezemet
exlaqî
From the Book:
Dîwanî Şêx Nûrî
By:
Shekh Nouri Shekh Salih (1896-1958)
1 minutes
1004 views
řutbey ’ezemet, la’îqî zatêke bizanê
wek xoşî dezanê û bizanê ke dezanê
nek la’îqî şexsêke, nezanê û nezanê
nazanê ewe xoşe belay xełqî cîhanê
bê sûd û zyanê
nabî be munewer be gułî yexeyî çaket
’umanî serab, bûnî be deryaçe meḧałe
zerd řûkeşî zîwîşî bibê, nayete qîmet
î’lanî ’ewarz, wekû îsnadî xeyałe
tabi’ be zewałe
wek şewqî tepałe
to çîhre be podre mebere dewreyî ’alî
nagate gułê, barî kizey werseyî xaşak
wek teyrî muqeba, ke le kaẍez peř û bałî
bo bikirê efřê, weha dêtewe ser xak
ẍulya zede ẍemnak
«lawante» dûsed şûşe be xota biřjênî
wek ẍunçe beser diřkezîyeka, biçeqênî
bê neş’eye çon mirdû be zîndû edwênî
mer bilbilî ew gułşene her xot bî bixiwênî
bo kes nîye bênî
«bî» tałe eger şekker û şehdî besera key
neş’ey nîye, her swałete sed piř bê le bade
çîlke çîye? bakurtekî sewzî be bera key
ger ’aqłî lem jîne bê qîmete lade
em kîbre bebade